Öll börn fá bókasafnsskírteini óháð aldri
Lára Halla Sigurðardóttir á Sauðárkróki sendi Feyki grein á dögunum þar sem hún sagði frá viðskiptum sínum við bókasafnið á staðnum. Eldra barnið hennar, fjögurra ára, var spennt að fá að velja sér bók en þegar kom að því að fá bókasafnsskírteini til að geta fengið hana lánaða kom babb í bátinn þar sem barninu var neitað um slíkt. Nú hefur orðið breyting á þar sem öll börn munu í framtíðinni geta fengið skírteini í bókasafninu, óháð aldri.
Í grein Láru kemur fram að í gjaldskrá sveitarfélagsins Skagafjarðar segi að 18 ára og yngri greiði ekki fyrir bókasafnsskírteini en það hafi tíðkast að börn fái ekki skírteini fyrr en þau hafa náð sjö ára aldri. Var henni sagt að það hefði gefist vel að foreldrar barna sem eru yngri en sjö ára greiði árgjaldið og fái barnabækur lánaðar með sínu skírteini. Í kjölfarið sendi hún sveitarfélaginu tölvupóst með hvatningu um að þessu yrði komið í réttan farveg og það hafði sannarlega áhrif því nú hefur verið ákveðið að öll börn fái skírteini í bókasafninu, óháð aldri.
Þórdís Friðbjörnsdóttir, forstöðumaður safnsins, segir í svari til Láru að í sumar hafi verið skipt um allsherjar bókasafnskerfi og eitt af því sem ekki hefur gengið upp er að prenta út lánþegaskírteini fyrir nýja lánþega og samkvæmt upplýsingum frá skrifstofu landskerfis er ekki búið að finna lausn á því, „okkur til mikillar armæðu,“ eins og Þórdís orðar það og bætir við: „Þið eruð velkomin á safnið en því miður er ekki enn hægt að afhenda skírteini,“ skrifar Þórdís. Mun það væntanlega standa til bóta þegar fram í sækir.
„Í ljósi ábendingar er varðar bókasafnsskírteini fyrir börn yngri en 18 ára á Héraðsbókasafni Skagfirðinga voru verkferlar skoðaðir og var niðurstaða sú að misræmi var milli verðskrár og verklags safnsins fyrir umrædd skírteini. Ákveðið hefur verið að öll börn, óháð, aldri fái lánþegaskírteini í Héraðsbókasafni Skagfirðinga. Skírteinin gilda einnig í söfnunum á Hofsósi og í Varmahlíðarskóla. Skírteinin eru gjaldfrjáls að 18 ára aldri. Ef viðkomandi er 14 ára eða yngri þarf forráðamaður að fylla út eyðublað þar sem hann tekur ábyrgð á öllu því safnefni sem tekið er út á skírteini viðkomandi,“ segir á heimasíðu Skagafjarðar.
Fréttin hefur verið uppfærð.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.