Nytjamarkaðurinn á Hvammstanga kemur samfélaginu vel
Nytjamarkaðurinn á Hvammstanga er mörgum að góðu kunnur, segir í færslu á heimasíðu Húnaþings vestra en tilefnið er höfðinglegur stuðningur Gæranna til samfélagsins á síðasta ári.
Gærurnar eru vaskur hópur kvenna, segir í færslunni, „sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á síðasta ári gáfu þær, líkt og fyrri ár, gjafir til stofnana sveitarfélagsins af miklum rausnarskap.“
Gærurnar við nýju stafrænu klukkuna.
Mynd af hunathing.is.
Stærsta gjöfin á árinu var stafræn klukka til íþróttamiðstöðvar sem jafnframt sýnir hitastig laugar og potta en áður höfðu þær gefið íþróttamiðstöðinni hjartastuðtæki og vindur fyrir sundföt. Þá gáfu þær Grunnskólanum tvær gjafir, til frístundar til kaupa á leikföngum og til kaupa á fimm tölvum í náttúrufræðistofu. Leikskólinn naut líka gjafmildi hópsins til leikfangakaupa.
Mikil vinna og skemmtileg
Að sögn Árborgar Ragnarsdóttur gjaldkera gekk Nytjamarkaðurinn vel í sumar, því 15. sem Gærurnar hafa staðið vaktina. „Þetta byrjaði þannig að við vorum með nytjamarkaðinn þrjár helgar fyrir 15 árum og hefur þetta bara aukist og aukist. Þetta gengur alveg ótrúlega vel en við fáum allt þetta dót gefins, í staðinn fyrir að fólk hendi því. Og svo gengur þetta ekki nema að fólk komi og kaupi,“ útskýrir Árborg.
Nytjamarkaðurinn Hvammstanga.
Mynd af FB-síðu Nytjamarkaðsins
Hún segir mikla vinnu liggja að baki Nytjamarkaðnum enda opið flesta, ef ekki alla, laugardaga á sumrin, og stundum þess fyrir utan, og allt unnið í sjálfboðavinnu. Gærurnar eru alls tíu og markaðinn reka þær núna í húsnæði Meleyrar á Hvammstanga. Gærunafnið segir Árborg hafa komið upp í gríni í fyrstu en það kom til vegna þess að fyrsti íverustaður markaðarins var gamli gærukjallarinn við KVH.
Í fréttabréfi Gæranna, sem kom út síðasta vor og hægt að nálgast á Facebook-síðu Nytjamarkaðarins, kemur fram að helstu gjafir ársins á undan hafi verið speglar og stangir fyrir danskennslu til „Dans Hún Vest“, ungbarnavigt til heilsugæslunnar, sófaborð, gardínur o.fl. til Dreifnámsins; styrkur til foreldrafélags leikskólans Ásgarðs og styrkur til að kaupa á þroskaleikföngum til sama skóla.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.