Munum bara að lífið er núna
Það er dama úr Blönduhlíðinni, Sigríður Garðarsdóttir í Miðhúsum, sem svarar síðasta uppgjörinu í Feyki fyrir árið 2023. „Kona á mínum aldri er gjarnan með óskipulagðan verkefnalista. Þegar eitthvað aðkallandi berst fyrir mínar dyr er það afgreitt og leyst,“ segir Sigga eldhress þegar Feykir spyr hvað hún sé að bardúsa þessa dagana.
Hún bætir við: „Fastir liðir eru að sinna eiginmanninum og hafa félagsskap af skemmtilegu fólki á Löngumýri annan hvern þriðjudag. Fyrsti hittingur eftir áramót er 9. janúar. Ég nýt daganna um jól og áramót með fjölskyldu og vinum, það er ómetanlegt. Hópurinn hefur fjölgað sér í áranna rás og eitt barnabarnið sagði við mig í gær [Nýársdag] að ég yrði að fara að leigja Löngumýri fyrir afmælið mitt. Munum bara að lífið er núna og njótum stundarinnar.“ Þá er það uppgjörið...
Hver er maður ársins? – Björgunarsveitarmaðurinn.
Hver var uppgötvun ársins? – Að ég er ekki alltaf 25 ára.
Hvað var lag ársins? – Thank You með Daða Frey. Kemur mér til að hugsa um og þakka fyrir afkomendurna.
Hvað gerðirðu ekki á árinu sem þú ætlaðir þér að gera? – Fara suður Sprengisand og ferðast meira um suðausturlandið.
Hvers er eftirminnilegast frá árinu 2023? – Samvera með góðu fólki í sorg og gleði.
Hvaða þrjú orð lýsa árinu best? – Fegurð landsins fjalla – til dæmis Blönduhlíðarfjallanna.
Hverju viltu skella á brennuna og hvers vegna? – Óheiðarleika, græðgi og mannvonsku. Heimurinn væri betri án þess.
Hvað viltu sjá gerast árið 2024? –Að það verði minna um stríð, ofbeldi og hatur í heiminum.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.