Mikill ljósagangur á Nöfum á morgun
Í fyrramálið, 25.nóvember, fer fram hin árlega Friðarganga Árskóla á Sauðárkróki þar sem kveikt verður á krossinum á Nöfum. Strax að því loknu munu Kiwanisfélagar kveikja á ljósakrossunum í kirkjugarðinum en það er ekki síður mikið sjónarspil. Þetta mun vera áttunda árið sem Kiwanisklúbburinn Drangey sér um ljósakrossa í kirkjugarðinum fyrir einstaklingar sem vilja lýsa upp leiði ættingja og vina.
Klúbburinn tók við verkefninu af Steini Ástvaldssyni sem hafði áður séð um þessi mál en verkefnið var orðið það yfirgripsmikið að ekki var hægt annað en breyta fyrirkomulaginu. „Ég var að vinna fyrir sóknarnefndina, einn tvo tíma í viku, en það gekk aldrei með mörg hundruð ljós. Undir það síðasta vorum við orðnir tveir en svo var samið við Kiwanisklúbbinn,“ segir Steinn sem einnig er meðlimur klúbbsins.
Hann segir mikið hafa þurft að endurnýja ljósakrossana í gegn um árin en klúbburinn sér um allt viðhald, uppsetningu, geymslu og tengingu við rafmagn en nú eru hátt í 400 krossar sem klúbburinn sér um og enn að bætast við, að sögn Steins, en fyrir þetta greiðast 5000 krónur. „Í stuttu máli sagt getur þú hringt í okkur, pantað ljós, borgað fimmþúsundkallinn og farið svo að sofa. Við sjáum um rest!“
Hvern laugardag fram að jólum verða Kiwanisfélagar að störfum við kirkjugarðinn og fær ljós að loga fram yfir ljósadaginn sem haldinn er í Skagafirði þann 12. janúar.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.