Kvöldið var fagurt og gott veður í dag
Kvöldið í Skagafirði var fagurt en kalt í gærkvöldi og vindurinn í verkfalli. Það var nánast sama hvar drepið var niður fæti, það var bara blankinn. Í dag er gert ráð fyrir heiðskýru og sól um allt Norðurland vestra og raunar víðast hvar á landinu. Reiknað er með hita í kringum 12 gráðurnar og húðlatri suðvestanátt. Svo virðist sem um sé að ræða dagstilboð hjá Veðurstofunni.
Það skiptat síðan á skin og skúrir næstu daga en þegar líður að helgi snýst í norðanátt, hitinn lækkar og boðið verður upp á fría regndropameðferð í nokkra daga.
Raunar er það þannig að ef norska langtímaspáin er skoðuð á yr.no þá má sjá að það er lítil sól í kortunum og þannig hefur það verið í nær allt sumar. Spáin nær yfir níu daga í senn, fjögur veðurtákn fyrir hvern dag; nótt, morgun, dag og kvöld. Táknin eru því alls 36 fyrir þessa níu daga og á myndinni sem fylgir fréttinni sést að aðeins sex tákn af 36 sýna sól eða sólarglætu. Og það er nú bara óvenju gott miðað við spár sumarsins!
Það er svo annað mál að margir gefa þessum spám ekki háa einkunn og eru jafnvel á þeim buxunum að sólin hafi látið sjá sig oftar og meira en þessir norsarar hafa gefið okkur vonir um. Það er því ekkert annað í stöðunni en að brosa í gegnum tárin og gera gott úr því sem boðið er upp á.
Hér má sjá nokkrar myndir úr Skagafirði frá í gærkvöldi ... og veðurspána fyrir Krókinn næstu níu daga.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.