Hólahátíð og biskupsvígsla um helgina
Hólahátíð verður haldin hátíðleg nú dagana 13.-14. ágúst en venju samkvæmt er hátíðin haldin sunnudaginn í 17. viku sumars. Dagskráin verður örlítið óvenjuleg þar sem sr. Gísli Gunnarsson, sóknarprestur í Glaumbæjarprestakalli, verður vígður biskup en það er Biskup Íslands, sr. Agnes M. Sigurðardóttir, sem vígir sr. Gísla við hátíðlega athöfn á sunnudag í Hóladómkirkju.
Á vef Kirkjunnar segir að dagskrá Hólahátíðar byrji með hefðbundnum hætti á laugardeginum með pílagrímagöngu eftir Hallgrímsveginum frá Gröf á Höfðaströnd heim að Hólum. Gangan hefst níu að morgni og þegar komið er heim að Hólum um fjögurleytið geta þau sem vilja endurnýjað skírnina og gengið til altaris í kirkjunni.
Hólmfríður Sveinsdóttir, rektor Háskólans á Hólum, flytur hátíðarræðu kl. 18.00 og sr. Solveig Lára Guðmundsdóttir, vígslubiskup á Hólum, flytur ávarp. Þá verður tónlist flutt af þeim Brjáni Ingasyni og Bryndísi Björgvinsdóttur sem leika á fagott og selló.
Nýr vígslubiskup í Hólaumdæmi
Á sunnudegi hefst dagskráin með tónleikum í Hóladómkirkju kl. 11 og kl. 14 hefst Biskupsvígsla á sama stað. Þá mun, sem fyrr segir, Biskup Íslands, frú Agnes M. Sigurðardóttir, vígja sr. Gísla Gunnarsson til embættist vígslubiskups í Hólaumdæmi. Kirkjukórar Glaumbæjarprestakalls og Hóladómkirkju syngja, Bryndís og Brjánn leika á fagott og selló en organistar eru Jóhann Bjarnason og Stefán Gíslason. Dagskrá Hólahátíðar lýkur með veislukaffi á Kaffi Hólar.
Núverandi vígslubiskup í Hólaumdæmi, sr. Solveig Lára Guðmundsdóttir, lætur formlega af störfum 1. september eftir tíu ára vígslubiskupsþjónustu.
„Hólahátíð er kirkju- og menningarhátíð á síðsumri sem hefur mikið aðdráttarafl. Enginn sem er staddur í héraðinu þessa helgina ætti að láta hátíðina fram hjá sér fara. Svo er fullt tilefni fyrir áhugasamt fólk að renna heim að Hólum úr öllum landshornum! Hólahátíðin er nefnilega óvenju viðburðarík þetta árið.“ – segir á vef Kirkjunnar.
Heimild: Kirkjan.is
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.