Fyrsti leikur Stólanna í kvöld undir stjórn Pavels
Þá er bikarhelgin í körfunni yfirstaðin en Valsmenn fögnuðu þar sigri gegn Stjörnumönnum eftir spennandi leik og búa því svo vel þessa dagana að geta státað af því að geyma stóru titlana tvo í körfunni. Tindastólsmenn skutlast suður í Breiðholt í dag og etja kappi við lið ÍR sem bíður þeirra í Skógarselinu. Þetta verður fyrsti leikur Stólanna undir stjórn Pavels Ermolinskij sem skrifaði undir samning um að stjórna liði Tindastóls fram á vorið hið minnsta í kjölfar þess að Vlad hvarf af sviðinu.
Það verða eflaust margir spenntir að sjá hvort Pavel nær að snúa leik Stólanna til jákvæðari vegar en það má kannski segja sem svo að króatískir hlekkir hafi haldið aftur af mönnum upp á síðkastið. Einhvern veginn náði liðið illa að sýna hvað í því býr undir stjórn Vlads.
Á Vísir.is má finna stórfínt viðtal við nýráðinn þjálfara Stólanna, Pavel, sem segist m.a. „...alltaf hafa litið á Tindastól sem sinn helsta andstæðing á körfuboltavellinum, á sama tíma og hann hafi borið ómælda virðingu fyrir liðinu.“
„...Ef horft er yfir allar liðsíþróttir á Íslandi þá er þetta langstærsti áfanginn sem er í boði. Sama hvort horft er til körfubolta, handbolta eða fótbolta. Íslandsmeistaratitill fyrir Tindastól er það stærsta sem er í boði, og ég vil vera með í því,“ segir Pavel.
Hann segir að sér hafi verið vel tekið í Skagafirði, hann hafi átt von á að koma inn í samrýmt körfuboltasamfélag og fá góðar viðtökur en þær hafi verið framar vonum. „Það hefur verið æðislegt að finna fyrir þessari spennu, hlýju og vilja frá öllum þessa nokkru daga sem ég hef verið hérna,“ segir kappinn og tekur fram að innan liðsins hafi ekki reynst neitt vandamál varðandi hans komu sem gamals andstæðings. „Það tók okkur bara einn dag að ná úr okkur einhverjum skrýtileika með að ég sé núna hérna sem einhver þjálfari. Frá mínu sjónarhorni er þetta strax orðið mjög eðlilegt. Flestir hérna þekkja mig og eins og ég ætlaði, og kom í ljós, eru hérna toppmenn og góðir karakterar. Þetta hefur því verið tiltölulega auðvelt og þægilegt breytingaferli,“ segir Pavel.
Leikurinn í Breiðholtinu hefst kl. 19:15 og eru stuðningsmenn sunnan heiða hvattir til að mæta. Hlekkur á leikinn verður væntanlega auglýstur á ÍR karfa á Facebook í dag.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.