Fáeinir aðilar að skoða áform um að reisa hótel í Skagafirði
Ísland er vinsæll viðkomustaður ferðamanna sem aldrei fyrr og nýting á hótelherbergjum alla jafna mikil. Á Norðurlandi er hins vegar mikil þörf fyrir aukið gistirými en í frétt á RÚV kemur fram að bætt nýting utan háannatímans, vaxandi eftirspurn og þörf fyrir fjárfestingu í gistirýmum einkenni stöðuna í norðlenskri ferðaþjónustu og er þar vísað til greiningar KPMG á gistirýmum á Norðurlandi sem var unnin fyrir Markaðsstofu Norðurlands.
Nýting hótelherbergja á stærri stöðum á Norðurlandi er í hæstu hæðum og stærri hótel á þeim stöðum svo gott sem fullbókuð yfir háannatímann. „Þessu til viðbótar er útlit fyrir aukna eftirspurn yfir vetrarmánuðina og sýnir greining KPMG að nýtingarhlutfall gistirýma muni hækka í samræmi við það,“ segir í frétt á RÚV og er aukið millilandaflug um Akureyrarflugvöll ein helsta ástæða aukningarinnar.
Við hér á Norðurlandi vestra stöndum mun verr að vígi varðandi framboð á hótelherbergjum en vinir okkar á Norðurlandi eystra en stór hótel eru á Akureyri, Húsavík og við Mývatn. Hér á Norðurlandi vestra má segja að Hótel Laugarbakki sé eina stóra hótelið á svæðinu. Í Skagafirði eru hótelin tiltölulega lítil en þau eru fjögur sem starfa allt árið um kring; Hótel Tindastóll á Sauðárkróki, Hótel Varmahlíð, sveitahótelið Hofsstöðum og loks lúxushótelið á Deplum í Fljótum sem telst sennilega ekki ætlað hinum almenna ferðamanni. Það hefur því lengi verið horft til þess að í Skagafirði rísi stórt hótel sem geti tekið á móti stórum hópum.
Feykir spurði Sigfús Inga Sigfússon, sveitarstjóra Skagafjarðar, hvort unnið hefði verið að því að reyna að lokka hótelkeðjur eða fjárfesta til að byggja hótel í Skagafirði. Sigfús segir sveitarfélagið hafa verið í tengslum við nokkra aðila í gegnum tíðina um heppilegar staðsetningar fyrir hótelbyggingar í Skagafirði. „Ég veit að það eru fáeinir aðilar að skoða slík áform um þessar mundir,“ segir Sigfús Ingi.
Er nálægðin við Akureyri akkilesarhæll Skagafjarðar í þessum málum? „Líklega bæði og. Mögulega finnst sumum fjárfestum eða rekstraraðilum Skagafjörður það nærri Akureyri að hótel þar geti að einhverju leyti dekkað traffík sem fer hér um. Svo eru aðrir sem horfa til þess að dreifa þurfi ferðamönnum og álagi vegna þeirra víðar um landið, fjölga viðkomustöðum og tryggja betri heildarafkomu greinarinnar. Skagafjörður hefur margt að bjóða fyrir innlenda sem erlenda ferðamenn, ráðstefnugesti, árshátíðargesti, gesti sem vilja koma hingað í hvataferðir, fara á skíði o.fl.,“ segir Sigfús.
Fram hefur komið í fréttum að nú sé ætlunin að ráðast í endurnýjun gamla bæjarins á Blönduósi og þar eru framkvæmdir við hótelið þegar komnar í gang.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.