Edda Hlíf ráðin prestur í Þingeyrarklaustursprestakalli
Á heimasíðu Biskupsstofu kemur fram að sr. Agnes M. Sigurðardóttir, biskup Íslands, hafi staðfest kosningu valnefndar sem vildi Skagfirðinginn Eddu Hlíf Hlífarsdóttur, mag. theol., til að gegna embætti sóknarprests í Þingeyraklaustursprestakalli í Húnavatns- og Skagafjarðarprófastsdæmi.
Í kynningu Biskupsstofu segir að Edda Hlíf sé fædd á Sauðárkróki 20. júlí 1985 og hafi alist upp í Víðiholti í Skagafirði:
„Frá árinu 2007 hefur hún verið búsett í Oddakoti í Austur-Landeyjum og stundað þar hrossarækt, ásamt unnusta sínum Þráni Víkingi Ragnarssyni, verkfræðingi. Edda Hlíf er stúdent af félagsfræðibraut við Fjölbrautarskóla Norðurlands vestra árið 2011. Hún lauk mag.theol.-prófi frá Háskóla Íslands í febrúar 2020 og diplómanámi á meistarastigi í sálgæslufræðum frá Endurmenntun Háskóla Íslands í júní 2021.
Meðfram guðfræðináminu sinnti Edda Hlíf fermingarfræðslu við Breiðabólstaðarprestakall og Langholtsprestakall og æskulýðsstarfi við Guðríðarkirkju og Langholtskirkju.
Edda Hlíf hefur lokið 90 einingum í meistaranámi í guðfræði við H.Í.
Hún hefur starfað sem deildarstjóri á Vinasetrinu, stuðningsheimili fyrir börn, frá árinu 2017 og hefur auk þess starfað í Skammtímavistun á Selfossi síðastliðið ár."
Prestakallið
Þingeyraklaustursprestkall í Húnavatns- og Skagafjarðarprófastsdæmi, samanstendur af fimm sóknum, Auðkúlusókn, Blönduóssókn, Svínavatnssókn, Undirfellssókn og Þingeyrasókn og er íbúafjöldinn um 1350, þar af 916 sextán ára og eldri í þjóðkirkjunni, börn yngri en 16 ára eru 248. Prestarnir í Húnavatnssýslu skipta með sér vaktsíma utan hefðbundins vinnutíma, viku í senn og segir á kirkjan.is að Þingeyraklaustursprestakall og Skagastrandarprestakall séu samstarfssvæði. Starfinu fylgja viðbótarskyldur við önnur prestaköll í prófastsdæminu, önnur prófastsdæmi, sem og við Þjóðkirkjuna – Biskupsstofu og önnur kirkjuleg stjórnvöld.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.