Dom Furness og David Romay ráðnir í þjálfarateymi Tindastóls
Það styttist óðum í að alvaran hefjist hjá knattspyrnufólki. Karla- og kvennalið Tindastóls taka nú þátt í Kjarnafæðismótinu þar sem þau lið hér norðanlands sem ná í lið taka þátt. Í byrjun febrúar hefst síðan Lengjubikarinn hjá stelpunum en strákarnir hefja leik í byrjun mars. Lengjubikarinn er aðal undirbúningsmótið fyrir Íslandsmótin en fyrsta umferðin í Bestu deild kvenna fer fram síðustu helgina í apríl. Það er því eins gott að hefja undirbúning sem fyrst og nú hefur verið gengið frá ráðningu þjálfara karlaliðs Tindastóls og markmannsþjálfara beggja liða.
Feykir spurði Donna yfirþjálfara, sem þjálfar nú kvennalið Tindastóls, hverja væri búið að næla í á Krókinn. „Við erum búin að ráða til okkar markmansþjálfarann David Romay frá USA,“ segir Donni. „David er ætlað að vera aðstoðarþjálfari mfl. kvenna ásamt því að vera markmannsþjalfari bæði mfl. kk og kvk auk allra yngri markmanna félagsins. David mun einnig koma að leikgreiningu. David er gríðarlega metnaðarfullur þjálfari með góða reynslu úr háskólaboltanum i USA auk þess sem hann var nýverið að þjálfa i efstu deild í Wales. Við væntum mjög mikils af hans störfum og vonumst til þess að hann verði hjá okkur sem lengst. David er komin til landsins og hefur hafið störf.“
Þá hefur Dominic Furness verið ráðin aðalþjálfari karlaliðs Tindastóls en hann er Króksurum að góðu kunnur enda helmingur Furness fjölskyldunnar spilandi með Stólunum sumarið 2012., „Hann gerir samning til næstu tveggja ára og við erum mjög spennt að fá hann til landsins núna i lok janúar. Dom, eins og hann er kallaður, spilaði með Tindastól i 1.deild árið 2012, þá ásamt bræðrum sínum Theo og Seb Furness. Dom var/er frábær leikmaður og átti farsælan feril sem slíkur. Hann fór til FH frá Tindastól og spilaði með þeim í efstu deild og Evrópukeppninni. Þaðan fór Dom til Svíþjóðar og spilaði með flottum liðum i næst efstu deild en eftir það var Dom keyptur til Ástralíu og Malasíu.
Donni segir að Dom Furness sé síðustu ár búin að vera í Bandaríkjunum og starfað þar sem íþróttakennari auk þess að þjálfa og mennta sig í þjálfun. Donni mun vera Dom til halds og trausts með meistaraflokk karla. „Það verður mjög spennandi að fá svona öflugan fyrrum leikmann Tindastóls til okkar og fylgjast með hans framgangi með okkar flotta lið. Dom mun einnig sjá um 2. flokk karla og vera æfingaþjálfari hjá yngri flokkum félagsins.“ Dom mun einnig vera til aðstoðar við smærri verkefni hja mfl. kvenna.
„Þessar ráðningar eru frábær lyftistöng fyrir okkar góða starf og við væntum mikils af þeim báðum,“ segir Donni að lokum.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.