Davíð Már öruggur sigurvegari í Ljósmyndasamkeppni sjómanna 2023
Árleg Ljósmyndasamkeppni sjómanna, sem sjómannablaðið Víkingur stendur fyrir, fór fram í sumar og barst 101 mynd í keppnina frá ellefu sjómönnum. Það var Króksarinn Davíð Már Sigurðsson, sjómaður og ljósmyndari, sem varð í efstu tveimur sætunum í keppninni en hann er í áhöfn Drangeyjar SK2 sem FISK Seafood gerir út frá Sauðárkróki.
Sigurmyndin er nokkuð sérstök en þar er eins og Drangey einoki jarðarkringluna okkar en hafflöturinn er hringlaga, Drangey fyrir miðju og fuglar á himni. Davíð Már er ekki bara fær ljósmyndari heldur bráðlaginn við myndvinnsluforritin. Feykir spurði kappann hvaða tækni væri notuð við gerð sigurmyndarinnar.
„360° kvikmyndavél,“ var svarið.
„Dróni?“ spurði blaðamaðurinn og þóttist snjall.
„Nei,“ svaraði Davíð.
„Þetta segir mér nú ekki neitt og örugglega ekki lesendum Feykis heldur.“ sagði blaðamaður pínu spældur.
„Myndin er skjáskot úr myndbroti sem var tekin með 360° sýndarveruleikamyndavél Skottu kvikmyndafjelags,“ sagði ljósmyndarinn og var þá spurður hvar myndavélin væti staðsett – varla héngi hún í lausu lofti framan við togarann? „Ég veit ekki alveg hvernig ég get lýst þessu betur. Myndavélin er fremst á stefninu. Með hjálp Photoshop sérðu ekki þrífótinn og teipið.“
Að sjálfsögðu – ekki er allt sem sýnist. Bráðsnjöll mynd hjá Davíð Má og Feykir óskar honum til hamingju með öruggan sigur í keppninni.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.