Rabb-a-babb 176: Gummi Sveins
Nafn: Guðmundur Sveinsson.
Árgangur: 1960.
Fjölskylduhagir: Giftur Auði Steingrímsdóttur og við eigum Svein, Önnu Lóu og Svölu.
Búseta: Sauðárkrókur.
Hverra manna ertu og hvar upp alinn: Sonur Sveins Guðmundssonar hrossaræktanda og Ragnhildar G. Óskarsdóttur listakonu. Alinn upp á Króknum undir nöfunum.
Starf / nám: Kjötiðnaðarmeistari, hrossaræktandi og sjómaður.
Hvað er í deiglunni: Vinna.
Hvernig nemandi varstu? Misjafn.
Hvað er eftirminnilegast frá fermingardeginum? Plötuspilarinn sem ég fékk í fermingargjöf frá mömmu og pabba.
Hvað ætlaðir þú að verða þegar þú yrðir stór? Bóndi.
Hvert var uppáhalds leikfangið þitt þegar þú varst krakki? Prikhestur.
Besti ilmurinn? Góð sjávarlykt og lykt af íslensku birki eftir rigningu.
Hvar og hvenær sástu núverandi maka þinn fyrst? Bifröst.
Hvað varstu að hlusta á þegar þú fékkst bílprófið? Led Zeppelin.
Hvernig slakarðu á? Í sveitinni.
Hverju missirðu helst ekki af í sjónvarpinu? Íþróttum.
Besta bíómyndin? Deer Hunter, vel leikin og áhrifarík mynd.
Hvaða íþróttamanni hefurðu mestar mætur á? Michael Jordan.
Hvað gerir þú betur en allir aðrir á þínu heimili? Ryksuga.
Hvert er snilldarverkið þitt í eldhúsinu? Rjúpurnar á jólunum.
Hættulegasta helgarnammið? Lakkrís.
Hvernig er eggið best? Linsoðið
Hvað fer mest í taugarnar á þér í fari þínu? Leti.
Hvað fer mest í taugarnar á þér í fari annarra? Leti.
Uppáhalds málsháttur eða tilvitnun? Heima er best.
Hver er elsta minningin sem þú átt? Minningar um hesta.
Þú vaknar einn morgunn í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera? Donald Trump, ég myndi gera allt vitnlaust.
Hvaða þremur persónum vildirðu bjóða í draumakvöldverð? Börnunum mínum, ávísun á skemmtilegt kvöld.
Ef þú gætir farið til baka í tímann, hvert færirðu? Ég myndi eyða einum degi á Furðuströndum með Jóni Ósmann frænda mínum, það yrði eflaust forvitnilegur dagur.
Framlenging:
Ef þú gætir hoppað upp í flugvél og réðir hvert hún færi, þá færirðu...í sólina á Tenerife.
Bucket list spurningin: Nefndu eitthvað þrennt sem þér finnst þú mega til að gera áður en þú gefur upp öndina: Fara á Old Traffort, NBA leik og fara í fallhlífarstökk.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.