Þrír fljótlegir og spennandi kjúklingaréttir
Það er Hrefna Samúelsdóttir á Hvammstanga gaf lesendum sýnishorn af því sem henni þykir skemmtilegt að elda í matarþætti Feykis í 42 tbl. 2018. Hrefna, sem er þriggja stráka móðir, segir að sér finnist gaman að elda alls konar öðruvísi rétti og sækir sér gjarna uppskriftir á netið en þaðan eru þessir réttir einmitt fengnir. Við látum slóðirnar fylgja með.
RÉTTUR 1
Pesto kjúklingarúllur
4 kjúklingabringur
8 msk. grænt pestó
tómatar, sneiddir þunnt
rifinn mozzarella ostur
1 msk. olía
1 msk. smjör
1 box kirsuberjatómatar
Aðferð:
Kjúklingabringurnar eru klofnar i tvennt, settar í poka og barðar með hliðinni á buffhamri þar til þær eru orðnar hæfilega þunnar. Bringurnar eru kryddaðar á báðum hliðum með hvítlaukssalti og svörtum pipar. Grænu pestói smurt yfir, einni msk. á hverja sneið, og tómatsneiðum raðað ofan á, tveimur á hverja bringu. Rifnum osti, 2-3 msk. á hverja sneið, dreift yfir. Rúllað upp og fest saman með tannstöngli.
Olía og smjör hitað á pönnu (sem má fara inn í ofn ef hún er til á heimilinu) og rúllurnar steiktar þar, (með samskeytin fyrst upp) í u.þ.b. 4 mínútur á hvorri hlið. Sett í eldfast mót (ef pannan má ekki fara í ofninn), rifnum osti stráð yfir og kirsuberjatómötum dreift yfir. Bakað í ofni í 13-15 mínútur við 220°C. Takið tannstönglana úr og skreytið með ferskri basiliku.
Berið fram með sósunni sem kemur af rúllunum og meðlæti að eigin ósk.
(Slóð: https://natashaskitchen.com/chicken-pesto-roll-ups-video)
RÉTTUR 2
Risa Fajitas
1 græn paprika í sneiðum
1 rauð paprika í sneiðum
1 gul paprika í sneiðum
1 kjúklingabringa, skorin í strimla
1 laukur
paprikuduft
ólífuolía
9 tortillakökur
1 poki tortilla flögur
150 g rifinn ostur
Aðferð:
Paprika, saxaður laukur og kjúklingur sett í ofnskúffu og kryddað með paprikudufti, smá olíu hellt yfir, hrært saman og bakað í 20 mínútur við 180°C.
Setjið bökunarpappír í ofnskúffu og leggið sjö tortilla kökur ofan á þannig að helmingurinn af kökunum standi út úr skúffunni til hálfs (tvær við hvora langhlið, ein við hvora skammhlið og ein í miðjuna). Stráið u.þ.b. helmingnum af rifna ostinum yfir og síðan kjúklinga- og paprikublöndunni. Dreifið tortilla flögum yfir og loks afganginum af ostinum.
Leggið síðustu tvær tortilla kökurnar yfir miðjuna og brjótið kökurnar sem út af stóðu yfir þannig að þetta myndi umslag. Leggið örk af bökunarpappír yfir og aðra ofnskúffu ofan á þannig að tortillakökurnar haldist þétt að. Bakið í 20 mínútur við 180°C.
Salsa:
1 laukur
2 avókadó (lárperur)
1 tómatur
½ lime
kóriander
Tabascosósa
Aðferð:
Blandið saman avókadó, söxuðum lauk, limesafa, söxuðum tómötum, kóriander og nokkrum dropum af Tabasco sósu. Stappið vel saman eða blandið í matvinnsluvél.
Skerið Fajitas í sneiðar og dífið í salsasósuna (guagamole).
(Slóð: https://www.facebook.com/chefclubuk/videos/2164407310447986)
RÉTTUR 3
Kjúklingaspaghetti með tómötum og spínati
u.þ.b. 250 g spaghetti
¼ bolli sólþurrkaðir tómatar án olíu
¼ tsk. chiliflögur
¼ tsk. salt
250 g kjúklingakjöt, skorið í bita
4 (roma) tómatar, fræhreinsaðir og saxaðir
¼ bolli fersk basilika
6 hvítlauksrif, pressuð
250 g ferskt spínat
Aðferð:
Sjóðið spaghettíið eftir leiðbeiningum á pakka. Sigtið vatnið frá og leggið til hliðar. Saxið sólþurrkuðu tómatana og setjið í skál. Bætið 2 msk. af olíunni af tómötunum við ásamt chiliflögum og salti. Setjið blönduna á pönnu við miðlungs hita. Þegar blandan er ngilega heit, bætið þá kjúklingunum á pönnuna og steikið. Bætið tómötum, basil og hvítlauk út í og eldið áfram í u.þ.b. 30 sekúndur. Lækkið hitann, bætið spínati út í og látið það mýkjast. Að lokum er spaghettíinu blandað vel saman við, hitað og borið fram strax.
(Slóð: https://www.facebook.com/foodandfuninthekitchen/videos/115326802700434)
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.