Matmikil gúllassúpa og Ronjubrauð
Matgæðingar vikunnar í tbl. 6 voru Þyrey Hlífarsdóttir og Dagur Þór Baldvinsson í Víðiholti. Þau eiga þrjú börn, Evu Rún, Hlífar Óla og Baldvin Orra. Þyrey og Dagur eru bæði Skagfirðingar, Þyrey frá Víðiholti og Dagur frá Sauðárkróki. Þyrey er kennari í Varmahlíðarskóla og Dagur er hafnarstjóri Skagafjarðarhafna. Á þeirra heimili er mikið eldað af mat og höfum við gaman af því að halda matarboð og fá fjölskyldu og vini til okkar í mat. „Ef ég myndi segja að við hjónin værum jafn dugleg að elda þá væri það bara alls ekki satt. Við getum orðað það þannig að annað okkar er meira fyrir að elda matinn og hitt gerir meira af því að borða matinn,“ segir Þyrey.
RÉTTUR 1
Matmikil gúllassúpa
700 g folaldagúllas
ólífuolía
1 msk. smjör
2 l vatn
1 laukur
1 stór sæt kartafla
3 gulrætur
1 rauð paprika
1 gul paprika
4 - 6 tómatar
1 - 2 hvítlauksrif
1 dós hakkaðir tómatar
1 krukka salsasósa
1 dós kókosmjólk
1 peli rjómi
2 nautakjötsteningar
salt og pipar
Aðferð: Brúnið gúllasið á pönnu, kryddið með salti og pipar. Hellið ½ l af vatni út á pönnuna og látið sjóða þar til vatnið er búið. Geymið kjötið og undirbúið súpugrunninn. Setjið smjör og olíu í pott, saxið grænmetið og svissið í smjörinu í smá stund, kryddið með salti og pipar. Pressið hvítlaukinn út í grænmetið. Hellið vatni út á grænmetið og setjið súputeninga saman við, látið sjóða í 10 - 15 mín. Maukið grænmetið með töfrasprota og bætið hökkuðu tómötunum og salsasósunni út í pottinn. Bætið kjötinu við og leyfið þessu að malla í smá stund, bætið þá kókosmjólkinni og rjómanum út í og hrærið vel í súpunni. Gott er að smakka súpuna til og krydda með salti og pipar eftir þörfum, ef það er kalt úti er mjög gott að bæta smá slettu af sweet chili sósu út í súpuna til að gera hana enn bragðmeiri.
RÉTTUR 2
Ronjubrauð
Þetta brauð er mikið dásamað af öllum þeim sem það hafa smakkað. Það besta við brauðið er hversu fljótlegt og einfalt það er. Auðvelt er að útfæra það á mismunandi vegu með því að bæta við kryddum eftir því sem maður vill. Á sumrin er mjög gott að skella brauðinu beint á grillið eða vefja því á trjágreinar og grilla á eldi.
2½ bolli hveiti
1 bolli súrmjólk
1 tsk. matarsódi
½ tsk. lyftiduft
smá klípa af salti
½ dl olía
2 msk. sýróp
Aðferð: Blandið öllum innihaldsefnunum saman í skál og hrærið saman. Mótið litlar dellur úr deiginu, gott að velta þeim upp úr smá hveiti og raðið á bökunarplötu. Bakið við 200°C í u.þ.b. 12 mín. Njótið vel.
Verði ykkur að góðu!
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.