Límónu fiskur og sykurlausar bollakökur
Matgæðingar vikunnar í tbl 41, 2022, voru Helgi Svanur Einarsson og Gígja Hrund Símonardóttir á Króknum. Gíg ja er fædd og uppalin í Hegranesi í Skagafirði, en Helgi er fæddur og uppalinn í Torfalækjarhreppi hinum forna í nágrenni Blönduóss og hafa þau bæði búið á Sauðárkróki síðastliðin 20 ár.
Helgi er menntaður bæði skrúðgarðyrkjumeistari og húsasmíðameistari og saman vinna þau hjónin við fyrirtækið sitt Garðprýði ehf. við garðyrkju og smíðar. Þau eiga saman fjögur börn á flestum skólastigum sem Skagafjörðurinn býður upp á: Heiðar Birki 17 ára, Hilmar Örn 14 ára, Bryndísi Dögg 10 ára og Svanhildi Ástu 5 ára. Þau deila einnig heimili með einum hundi og tveimur köttum. „Yfirleitt er eldað á heimilinu með mælieiningunum dass og slatta og svo því sem til er í ísskápnum í það skiptið. En stundum reynum við að vera fáguð og fylgja uppskriftum og látum hér fylgja með uppskrift af dýrindis bláberja múffum sem okkur finnst algert æði, og ekki skemmir fyrir að þær eru bæði glúteinlausar og sykurlausar. Einnig er uppskrift af hversdags fiskrétti sem okkur finnst alltaf góður,“ segir Helgi Svanur.
UPPSKRIFT 1
Karrý límónu fiskur
1 rauðlaukur
2 tsk. kraminn hvítlaukur
2 tsk. rifið engifer
2 tsk. karrý
1 dós kókosmjólk
sjávarsalt og svartur pipar eftir smekk
limesafi eftir smekk
800 g hvítur fiskur
kóríander til að dreifa yfir
Aðferð: Bræðið kókosolíu á pönnu og steikið rauðlaukinn þar til mjúkur. Bætið við hvítlauk og engifer, ásamt karrýinu og steikið í u.þ.b. mínútu í viðbót. Hellið kókosmjólkinni út í, kryddið með salti og pipar og lime safa. Látið suðuna koma upp og bætið þá fiskinum út í. Látið fiskinn sjóða við lágan hita í 10 mínútur í sósunni eða þar til hann er tilbúinn. Berið fram með ferskum kóríander. Okkur finnst gott að hafa Naan brauð og hrísgrjón eða Kínóa með.
UPPSKRIFT 2
Sykurlausar banana og súkkulaði bollakökur
3 þroskaðir bananar
200 g haframjöl
2 egg
50 g kókosolía
1 tsk. vanilludropar
1 tsk. matarsódi
1 tsk. lyftiduft
1 tsk. kanill
200 g bláber
100 g sykurlaust súkkulaði t.d. frá Sírius eða Valor
Aðferð: Kveikið á ofninum og stillið á 175°C, undir- og yfirhita. Stappið bananana í skál þar til þeir eru orðnir að mauki, bætið þá eggjum, haframjöli, bræddri kókosolíu, vanilludropum, matarsóda, lyftidufti og kanil út í skálina og hrærið öllu vel saman. Skerið sykurlausa rjómasúkkulaðið gróft niður og blandið saman við ásamt bláberjunum. Setjið deigið í bollakökuform. Bakið í 25 mín. eða þar til kökurnar eru aðeins byrjaðar að brúnast.
Verði ykkur að góðu!
Helgi og Gígja skoruðu á Ingvar Gýgjar Sigurðarson og Eygló Amelíu Valdimarsdóttir að taka við matgæðingaþætti Feykis.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.