Kjúklingur í pestósósu og letingjabrauð
Það eru Kolbrún Ágústa Guðnadóttir og Atli Þór Gunnarsson sem voru matgæðingar vikunnar í tbl 44, 2022. Kolbrún er úr Reykjavík og Atli er frá Kirkjubæjarklaustri en þau fluttu að Mánaskál í Laxárdal árið 2011 en keyptu síðar jörðina Sturluhól og hafa látið fara vel um sig þar undanfarin ár. Þau eiga því í raun tvö heimili, í Skagabyggð og Húnabyggð þó að stutt sé á milli bæja.
Það var æskudraumur Kolbrúnar að búa í sveit og rættist hann í raun fyrir tilviljun þegar þau fluttu norður því upphaflega stóð ekki til að eiga fasta búsetu hér en svona er lífið óútreiknanlegt. „Atli er rafeindavirki og hefur lengst af starfað í tengslum við flugvélabúnað. Hann sinnir slíkum störfum í fjarvinnu og með ferðalögum erlendis. Hann starfar einnig við smíðar hér á svæðinu og nýtir auk þess allan lausan tíma til að bæta og byggja upp í kringum okkur. Eitt af því fyrsta sem hann gerði hér var t.d. að virkja bæjarlækinn og setja upp heimarafstöð á Mánaskál,“ segir Kolbrún. Kolbrún er viðskiptafræðingur og starfar hjá Vinnumálastofnun á Skagaströnd. Mitt aðaláhugamál hefur alla tíð verið hestamennska og eins og flestir vita er það áhugamál sem frekar eykst með tímanum en hitt. Hestamennskan og hrossarækt er því stór þáttur af okkar lífi. Þrátt fyrir að Atli deili ekki endilega ástríðunni fyrir hestamennskunni þá tekur hann fullan þátt í ævintýrinu og öllu sem því fylgir. „Ég myndi segja að Atli sé meiri kokkur en ég, hann hefur a.m.k. oftar frumkvæði að því að elda eitthvað gott. Ég get þó alveg galdrað fram góðar máltíðir og ég ætla að deila einni af mínum uppáhalds en það er einföld kjúklinga uppskrift sem hefur aldrei klikkað,“ segir Kolbrún.
RÉTTUR 1
Kjúklingur í pestósósu
4 kjúklingabringur
2 krukkur af rauðu pestói
rjómaostur – nokkrar skeiðar
rjómi eða matreiðslurjómi
Aðferð: Rautt pestó er látið þekja botninn á eldföstu móti. Ég hef keypt frekar litlar krukkur og nota allt að því tvær í einn rétt. Kjúklingabringurnar eru skornar í 3-4 sneiðar og raðað ofan í mótið. Ég krydda svo yfir bringurnar með kjúklingakryddi. Nokkrum skeiðum af rjómaosti er dreift yfir bringurnar. Kjúklingurinn er eldaður í u.þ.b. 40 mín. á 200°C og þá er rjóma eða matreiðslurjóma hellt yfir svo það fljóti yfir kjúklinginn. Það er ágætt að hræra nokkrum sinnum upp í rjómanum og pestóinu á meðan kjúklingurinn mallar. Rétturinn er tilbúinn u.þ.b. 20 mín. síðar. Með þessu ber ég fram hrísgrjón og ferskt salat. Seinni uppskriftin sem ég ætla að deila er af kryddbrauði sem kallast því lýsandi nafni letingjabrauð þar sem það er víst svo einfalt að það hentar fyrir þá allra lötustu í bakstri. Ég get lofað að letingjabrauðið slær í gegn sem nesti í hvaða hestaferð sem er.
RÉTTUR 2
Letingjabrauð
5 dl haframjöl
5 dl hveiti
4 dl sykur (má minnka)
3 tsk. matarsódi
½ tsk. negull
1 ½ tsk. kanill
1 ½ tsk. kakó
4 dl mjólk
Aðferð: Þurrefnum blandað saman og mjólk sett í síðast. Uppskriftin passar í tvö „hefðbundin“ formkökuform. Bakað við 180°C í 45 mín.
Verði ykkur að góðu!
Kolbrún og Atli Þór skoruðu á Elínu Jónu Rósinberg á Hvammstanga að taka við sleifinni.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.