Kjötsúpa og konfektkaka
Matgæðingar vikunnar í tbl 42, 2022, voru Eygló Amelía Valdimarsdóttir, fædd og uppalin á Skagaströnd, og Ingvar Gýgjar Sigurðarson, fæddur og uppalinn á Sauðárkróki. Eygló er snyrtifræðingur að mennt en Ingvar er tæknifræðingur hjá Sveitarfélaginu Skagafirði. Þau hafa búið á Króknum síðan 2014 og eiga saman þrjú börn, Valdimar Eyvar fæddan 2012, Amelíu Areyu fædda 2016 og Áróru Eldey fædda 2021.
Við njótum þess að elda góðan mat og að leyfa krökkunum að vera með í undirbúningnum. Íslenska kjötsúpan er í sérstöku uppáhaldi hjá allri fjölskyldunni og það er svo gott að ylja sér við góða súpu þegar það fer að hausta. Einnig látum við fylgja með uppskrift af ljúffengri konfektköku,“segir Eygló.
UPPSKRIFT 1
Kjötsúpa
800 g lambakjöt
3 l vatn
2 grænmetisteningar
6 stórar gulrætur, flysjaðar og skornar í litla bita
2 meðalstórar rófur, flysjaðar og skornar í litla bita
½ blómkálshöfuð, skorið í litla bita
dass af vorlauk, skorinn smátt
1 laukur, skorinn smátt.
dass af súpujurtum
haframjöl og hrísgrjón eftir smekk
krydd eftir smekk en við notum jurtasalt, pipar og smá steikarkrydd
Aðferð: Setjið kjötið í pott og hellið köldu vatni yfir. Hitið rólega að suðu og fleytið froðu ofan af. Skerið grænmetið í litla bita og bætið út í, kryddið til með jurtasalti og pipar. Leyfið súpunni að malla undir loki að lágmarki 30 mínútur. Bætið grænmetisteningum, súpujurtum, haframjöli og hrísgrjónum saman við og leyfið súpunni að malla í 30 mínútur til viðbótar. Við sjóðum kartöflur í sér potti og berum fram með súpunni ásamt hituðu baguette brauði með smjöri.
UPPSKRIFT 2
Konfektkaka
Botnar:
6 eggjahvítur
200 g flórsykur
200 g kókosmjöl
Aðferð: Aðskiljið eggin og þeytið hvíturnar með flórsykrinum (eggjarauður verða notaðar í kremið). Þeytið þar til blandan er stífþeytt. Bætið kókosmjölinu
saman við með sleif. Leggið kringlóttan matardisk á bökunarpappír og teiknið tvo hringi. Setjið deigið þar á og bakið við 180°C í um 25 mín.
Krem:
6 eggjarauður
100 g flórsykur
130 g súkkulaði (ljóst og dökkt til helminga)
130 g smjör
Aðferð: Bræðið súkkulaði og smjör í vatnsbaði og leyfið svo að kólna aðeins. Þeytið eggjarauður og flórsykur saman. Hellið súkkulaðinu varlega saman við eggjablönduna og hrærið. Setjið hluta af kreminu á milli botnanna og smyrjið afganginum ofan á tertuna. Skreytið að vild.
Verði ykkur að góðu!
Eygló og Ingvar skoruðu á vini sína, stórbændurna á Mánaskál í Skagabyggð, Kolbrúnu Ágústu Guðnadóttur og Atla Þór Gunnarsson.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.