Grilluð hörpuskel og pastasalat
Matgæðingar vikunnar í tbl 28 í fyrra voru Steinunn Gunnsteinsdóttir og Jón Eymundsson en þau búa í Iðutúninu á Króknum. Þau eiga þrjú börn og Steinunn starfar hjá Upplýsingamiðstöðinni á Króknum sem staðsett er í 1238 húsinu og Jón hjá K-Tak.
„Okkur finnst gaman að grilla á sumrin og þá er gaman að breyta aðeins til og grilla sjávarrétti. Krakkarnir elska að borða af spjóti því það er svo mikið sport, svo kemur einnig uppskrift að pastasalati. Salatið er algjör snilld sem léttur kvöld/hádegisverður og svo er frábært að eiga afgang inni í ísskáp til að grípa í þegar allir eru heima í fríi og er einnig upplagt sem nesti,“ segir Steinunn.
UPPSKRIFT 1
Grilluð risahörpuskel og risarækjur með sítrónu/lime dressingu
12 stk. stórar hörpuskeljar
12 stk. risarækjur
Marenering:
50 ml ólífuolía
1 hvítlauksgeiri (fínt rifinn)
2 msk. lime-safi
3 msk. sojasósa
2 msk. sesam olía
sjávarsalt
svartur pipar úr kvörn
Aðferð: Setjið allt hráefnið, nema hörpuskelina og rækjurnar, saman í matvinnsluvél og vinnið saman í eina mínútu. Setjið hörpuskelina og rækjurnar í marineringuna og látið standa í 1-2 tíma. Þerrið mestu olíuna af hörpuskelinni og rækjunum og þræðið upp á spjót og grillið í um 2 mínútur á hvorri hlið.
Sítrónudressing:
1/2 bolli steinselja (ferskt hakkað)
2 til 3 matskeiðar ólifuolía
2 msk. sítrónusafi (ferskur er bestur)
1 lítil hvítlaukur (hakkað)
1/2 tsk. sjávarsalt
1/4 tsk. pipar
1/4 tsk. sætt sinnep
Aðferð: Öllu skellt í matvinnsluvélina og gott að bæta við ólífuolíu til að þynna ef þarf. Gott að bera fram með grilluðu grænmeti að eigin vali.
UPPSKRIFT 2
Pastasalat (fyrir 8-10 manns)
700 g pasta t.d. skrúfur og/eða penne
1 lítið brokkolíhöfuð
1 gul paprika
1 græn paprika
1 askja kirsuberjatómatar
5 vorlaukar
1 búnt fersk steinselja
1 bréf pepperoni eða sveita salami
1 stk. Maribó ostur, skorinn í litla teninga (u.þ.b. 350 g)
1 krukka svartar ólífur
1 krukka sólþurrkaðir tómatar
salt og pipar
Aðferð: Sjóðið pastað skv. leiðbeiningum. Hellið vatninu af og látið pastað kólna alveg og setjið í stóra skál eða ofnskúffu, allavega það stórt ílát að hægt sé
að blanda öllu saman með góðu móti. Skerið, brokkolíið, paprikurnar, salami pylsuna og tómatana í frekar litla bita (svipaða á stærð og pastað). Saxið steinseljuna smátt, skerið ostinn í teninga, hellið vatninu af ólífunum en hafið þær heilar, skerið sólþurrkuðu tómatana í strimla og leyfið smá af olíunni að fara út í salatið og blandið öllu vel saman. Mælum með að nota góða dressingu með salatinu.
Verði ykkur að góðu!
Steinunn og Jón skoruðu á Freyju og Helga að taka við matgæðingskeflinu.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.