Eggjaquesadilla og skyrkaka | Matgæðingar Feykis
Matgæðingar vikunnar í tbl 36, 2023, voru Guðlaugur Skúlason, fæddur og uppalinn á Sauðárkróki, og Sigrún Ólafsdóttir, fædd og uppalin á Krithóli. Guðlaugur starfar í dag hjá SSNV en Sigrún er útibússtjóri hjá Arion banka á Sauðárkróki. Þau hafa búið á Króknum síðan 2016 og eiga saman tvö börn, Darra fæddan 2017, og Dagnýju fædda 2020.
Guðlaugur sér að mestum hluta um eldamennskuna á heimilinu en þegar kemur að bakstri og eftirréttum er Sigrún á heimavelli enda er Guðlaugur slumpari en Sigrún meira fyrir mælieiningarnar. „Uppáhaldsréttirnir okkar eru einfaldir og þægilegir því við verðum að vera örugg með að krakkarnir borði þá. Ekki verra að geta tekið aðeins til í ísskápnum í leiðinni og lauma smá grænmeti í matinn. Við ákváðum því að koma með einn barnvænan rétt frá Guðlaugi og einn klassískan eftirrétt frá mér – verði ykkur að góðu,“ segir Sigrún.
RÉTTUR 1
Eggjaquesadilla
6 stk stór egg
2 miðlungsstórar tortillur
rifinn ostur
kjötmeti úr ísskápnum (beikon, skinka, pepperoni)
grænmeti
salt og pipar eða önnur krydd að eigin vali.
smjör
Aðferð: Pískið eggin saman. Skerið niður grænmeti og kjöt. Gott að steikja kjötið aðeins á undan. Smjör sett á pönnu, eggjunum hellt út á pönnuna, kryddað og niðurskornu kjöti og grænmeti dreift yfir. Tortillakakan sett ofan á. Látið malla á pönnunni þar til eggið losnar frá. Kökunni snúið við á pönnunni og rifnum osti dreift yfir. Eftir 1-2 mínútur er kökunni lokað í hálfmána. Quesadillan tekin af pönnunni og skorin í þríhyrninga, borin fram með þeirri sósu sem manni þykir best.
RÉTTUR 2
Skyrkaka
Botninn:
1 pakki LU kanil kex
120 g brætt smjör
Aðferð: Kexið sett í matvinnsluvél eða mulið smátt á annan hátt. Hef oft nýtt mér poka og kökukefli. Smjöri bætt við. Þrýstið blöndunni í form og kælið meðan fyllingin er gerð.
Fylling:
500 g Cremé brulée skyr
500 ml. rjómi
2 msk. flórsykur
1 poki hvítt súkkulaði (150 g)
Aðferð: Rjóminn þeyttur og látinn bíða. Súkkulaðið brætt í vatnsbaði. Flórsykrinum blandað við skyrið. Súkkulaðinu blandað við. Rjómanum hrært saman við í nokkrum skömmtum. Fyllingin sett á botninn. Kakan sett í kæli í nokkra tíma eða yfir nótt.
Verði ykkur að góðu!
Þau skoruðu á Söndru Hilmarsdóttur og Birki Fannar Gunnlaugsson að koma með uppskriftir.
Fleiri fréttir
-
Sveitarfélagið Skagaströnd áætlar jákvæða rekstrarniðurstöðu
feykir.is Skagafjörður, Austur-Húnavatnssýsla, Vestur-Húnavatnssýsla 09.01.2025 kl. 14.25Á fréttavefnum huni.is segir að fjárhagsáætlun Skagastrandar 2025 var samþykkt á sveitarstjórnarfundi rétt fyrir jól. Samkvæmt henni er gert ráð fyrir að rekstrarniðurstaðan verði jákvæð um 11 milljónir króna. Tekjur eru áætlaðar 946 milljónir og þar af eru skatttekjur og framlög Jöfnunarsjóðs áætlaðar 684 milljónir en aðrar tekjur 262 milljónir. Rekstrargjöld eru áætluð 867 milljónir, afskriftir 58 milljónir, og fjármagnsgjöld 10 milljónir. Veltufé frá rekstri er áætlað jákvætt um 93 milljónir.Meira -
Hefði verið til í að taka með sér skjólið á Krókinn | Velkominn heim
feykir.is Skagafjörður, Lokað efni, Velkomin heim 09.01.2025 kl. 13.35Síðustu ár hafa fjölmargar fjölskyldur flutt norður þar sem annar makinn er uppalinn í Skagafirði og er það mjög ánægjuleg þróun. Valdimar Pétursson og hans fjölskylda er ein af þeim og hafa komið sér vel fyrir á Bárustígnum á Króknum. Valdimar er fæddur og uppalinn á Króknum en hann er sonur Péturs Valda og Rögnu Jóhannsdóttur. Konan hans Valdimars er Eva Kuttner og er hún frá Leipzig í Þýskalandi.Meira -
Menningarsjóður KS styrkir 23 verkefni
feykir.is Skagafjörður, Lokað efni 09.01.2025 kl. 12.20Úthlutun úr Menningarsjóði KS fór fram í húsakynnum Kaupfélags Skagfirðinga við Ártorg á Sauðárkróki í lok desember sl. og voru hin ýmsu verkefni valin, flest skagfirsk en húnvetnsk voru einnig þar á meðal. Menningarsjóðurinn var stofnaður á aðalfundi KS vorið 1963 og hefur í gegnum tíðina verið með tvær úthlutanir á ári, annars vegar að vori og hins vegar um jól. Heildarupphæð styrkja sem úthlutað var nú í desember voru tæpar 13 milljónir.Meira -
Ivan Tsvetomirov Tsonev hlaut Minningarbikar um Stefán og Hrafnhildi
feykir.is Skagafjörður, Lokað efni 09.01.2025 kl. 12.15Nú á dögunum var Ivan Tsvetomirov Tsonev, fótboltadrengur á Sauðárkróki, afhentur farandbikar ásamt áletruðum skyldi og peningagjöf til minningar um Stefán Guðmundsson, fyrrverandi stjórnarformann Kaupfélags Skagfirðinga, og konu hans Hrafnhildi Stefánsdóttur. Bikarinn var fyrst veittur fyrir um áratug og hefur sú athöfn farið fram jafnhliða úthlutun menningarstyrkja Kaupfélags Skagfirðinga.Meira -
Leikdagur allir í Síkið
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 09.01.2025 kl. 11.50Í kvöld fimmtudaginn 9. janúar á slaginu klukkan 19:15 heimsækir lið ÍR Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.