Doritos kjúklingur og gamla góða eplakakan
Það eru þau Stefanía Ósk Pálsdóttir og Bjarki Þór Svavarsson sem voru matgæðingar vikunnar í tbl 25, 2023, en þau eiga tvær stelpur, þær Hafdísi Hrönn og Ásdísi Pálu. Stefanía og Bjarki eru bæði frá Króknum og eru búin að koma sér vel fyrir á þar því það kom ekki neinn annar staður til greina að búa á. Stefanía er sjálfstætt starfandi og rekur Eden snyrti- og fótaaðgerðastofu og Bjarki vinnur hjá Skagafjarðarveitum. „Okkur finnst einstaklega gaman að elda og baka og höfum oft fjölskyldudag þar sem við bökum öll saman. Við ætlum að deila með ykkur auðveldum kjúklingarétti sem klikkar aldrei og mjúkri og góðri eplaköku sem er einstaklega góð heit,“ segir Stefanía.
AÐALRÉTTUR
Doritos kjúklingur
1 pakki kjúklingalundir
sweet chili sósa
blár Doritos
Aðferð: Veltið kjúklingalundum upp úr sweet chili sósu. Síðan er Doritos mulið niður og kjúkling næst velt upp úr því. Raðað í eldfast form og matarolíu hellt smá yfir. Eldað á 150°C á blæstri þar til Doritos-ið fer að taka lit. Gott að bera fram með sætum kartöflum, fersku salati og ostasósu (Mexíkó steyptur ostur og matreiðslurjómi). Til að gera sósuna enn betri er gott að setja villtan kraft og rifsberjahlaup eftir smekk.
EFTIRRÉTTUR
Gamla góða eplakakan
200 g smjör (við stofuhita)
3 egg
4 dl hveiti
2 ½ dl sykur
1 tsk. lyftiduft
1 dl rjómi
1 ½ tsk. vanilludropar
2 græn Granny Smith-epli
kanilsykur
Aðferð: Byrjið á því að flysja epli, kjarnhreinsa og skera í bita. Hrærið saman smjör og sykur í ljósa blöndu. Hrærið næst eggin saman við, eitt í einu. Blandið hveiti og lyftidufti saman og hrærið síðan út í blönduna. Loks er rjóma og vanilludropum hrært saman við. Setjið í smurt 24 sm form. Stingið eplabitunum ofan í deigið og sáldrið loks um tveimur matskeiðum af kanilsykri yfir. Bakið við 175°C í um 45 mínútur. Leyfið að kólna aðeins og berið fram með þeyttum rjóma.
Verði ykkur að góðu!
Stefanía Ósk og Bjarki Þór skoruðu á Ingunni Söndru og Birgi Ingvar að gefa lesendum eitthvað spennandi og gómsætt til að spreyta sig á.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.