Ræningjar og rassálfar, nornir og grádvergar - Leikfélag Sauðárkróks setur Ronju ræningjadóttur á svið
Leikfélag Sauðárkóks frumsýnir nk. föstudag í Bifröst barnaleikritið Ronju ræningjadóttur eftir Astrid Lindgren í leikstjórn Sigurlaugar Vordísar Eysteinsdóttur.
„Ronja er eitt af mörgum frábæru leikverkum Astridar en hefur kannski ekki náð alveg sama flugi og önnur eins og t.d. Lína Langsokkur og Emil í Kattholti, sem mér finnst persónulega skrýtið því Ronja er bæði fjörugt og fallegt leikverk og það sama má segja um tónlistina í verkinu,“ segir Sigurlaug Dóra Ingimundardóttir, formaður LS.
Ronja ræningjadóttir fjallar um dóttur ræningjaforingjans Mattíasar og hvað gerist þegar hún tekur upp á því að vingast við Birki, son Borka erkióvinarins. „Við kynnumst þeim Ronju og Birki og þeirra ævintýrum, við kynnumst skemmtilegum ræningjaflokkum ásamt nornum, rassálfum, grádvergum og hermönnum en sagan segir okkur hversu mikilvæg vináttan er í blíðu og stríðu og einnig að það er allt miklu skemmtilegra þegar allir eru sáttir og allt leikur í lyndi.“
Þröngt mega sáttir leika
Alls taka 24 leikarar þátt í 33 hlutverkum en alls koma um 60 manns að sýningunni svo forvitnilegt er að vita h vernig gangi að koma öllu þessu fólki fyrir á sviðinu í Bifröst.
„Það er skítlétt, þetta er svo rosalega stórt svið,“ segir formaðurinn sposk á svip: „En svona að öllu gamni slepptu þá gengur það furðuvel, sérstaklega eftir að ég náði að töfra það fram að framlengingin á sviðinu kæmi aftur með samstarfi við gott fólk.“
Hún segir vel hafa gengið að manna hlutverk og fá fólk í bakvarðasveitina en alltaf sé hægt að bæta við sveitina.
„Við hjá LS erum ótrúlega rík af frábæru og duglegu fólki sem hefur mikinn metnað og áhuga á að starfa með okkur aftur og aftur í leiksýningum. Einnig er frábært að við erum líka að fá nýtt fólk inn í hópinn. Það er alls ekki sjálfgefið að fólk gefi ótrúlega mikið af tíma sínum og setji margt annað á bið sem þarf að gera þegar maður tekur þátt í leikritum. En sem betur fer er líka mjög gefandi, lærdómsríkt og skemmtilegt að vera með og þetta allt verður til þess að við náum að halda úti frábæru starfi. Stjórn félagsins, leikstjóri og allur leikhópurinn, innan sviðs sem utan, leggur á sig gríðarlega vinnu til þess að bjóða upp á blómlegt menningarstarf og fyrir það er ég sem formaður ótrúlega stolt og þakklát.“
Ógnandi óvættir
Sigurlaug Dóra hvetur fjölskyldur til að koma saman í leikhús og upplifa frábæra menningu saman og styrkja í leiðinni frábært starf leikfélagsins. Hún vill líka lauma því að foreldrum að undirbúa unga leikhúsgesti fyrir sýninguna: „Þó að Ronja sé full af fjöri og gleðisprengjum þá gætu t.d. nornir og grádvergar alveg látið einhverjum bregða en ef þetta er vel útskýrt þá gengur þetta vel. Einnig vil ég hvetja fólk til að huga vel að sóttvörnum því C-19 er alls ekki búið en ef allir passa sig þá er þetta vel gerlegt.“
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.