Opið hús í Grunnskóla Húnaþings vestra
Fyrr í haust var tekinn í notkun hluti nýrrar viðbyggingar við Grunnskóla Húnaþings vestra á Hvammstanga. Að því tilefni verður opið hús í skólanum á morgun, þriðjudaginn 14. desember, frá kl. 16–18 og gefst íbúum og gestum tækifæri til að skoða nýbygginguna en í viðbyggingunni er mötuneyti, fjölnota salur, rými fyrir frístundir, skrifstofur skólastjórnenda og Tónlistarskóli Húnaþings vestra. Feykir tók púlsinn örsnöggt hjá Sigurði Ágústssyni skólastjóra.
Hvað breytist með tilkomu nýrrar viðbyggingar? „Breytingin er mikil fyrir nemendur og starfsfólk í skólunum. Nú þurfa nemendur ekki lengur að fara í félagsheimili í matartímum og öll kennsla tónlistarskólans er innan sömu byggingar. Það auðveldar allt utanumhald og samstarf. Þegar allt húsnæðið verður tekið í notkun í apríl verður hægt að kenna allar námsgreinar innan skólans og list- og verkgreinar fá sér stofu sem hefur ekki verið fram að þessu. Þetta er stórhuga framkvæmd þar sem hugsað er til framtíðar og fermetrafjöldi skólans tvöfaldast.“
Hvað gerist á opnum degi? „Á opnum degi býðst íbúum sveitarfélagsins að skoða þann hluta skólans sem hefur þegar verið tekinn í notkun. Í þeim hluta eru skrifstofur, sérstakt rými fyrir frístundastarf, matsalur og eldhús og tónlistarskóli,“ segir Sigurður en í grunnskólanum eru 150 nemendur og um 80 nemendur stunda nám við tónlistarskólann.
Aðspurður um hvað einkenni Grunnskóla Húnaþings vestra og starf nemenda skólans telur Sigurður ýmislegt til eins jákvæðan aga, áherslu á kynningu á héraði í námi nemenda, góðan stuðning við nemendur með stoðþjónustu og stuðningsfulltrúum, leiðsagnarmiðað nám þar sem nemendur eru hvattir til að taka ábyrgð. Sömuleiðis móttökufósturnemenda, samstarf við skólana í A- Hún um endurmenntun og samstarf við leikskólann Ásgarð.
Þá nefnir hann að nemendaráð er mjög virkt um málefni skólans, söngvarakeppni skólans er gert hátt undir höfði og árshátíð þar sem áhersla er á að allir nemendur stígi á svið auk þess sem árviss danskennsla er fyrir alla árganga. Einnig er áhersla á samstarf við tónlistarskóla í sömu byggingu, samstarf við íþrótta- og tómstundafélög og þátttaka nemenda í atvinnulífi héraðsins.
Það eru allir velkomnir á opið hús í skólanum.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.