Króksblótið er um helgina
Tími þorrablótanna er genginn í garð eins og alkunna er. Á Sauðárkróki fer Króksblótið fram nú laugardaginn 1. febrúar og að þessu sinni er það 70 árgangurinn sem stendur fyrir blótinu sem fer fram í íþróttahúsinu.
Miðasala er í fullum gangi og er hægt að nálgast miða í Blóma- og gjafabúðinni við Skagfirðingabraut. Bent er á að hægt er borga með korti (posi á staðnum). Miðaverð er kr. 5.500 fyrir blót og ball en þeir sem vilja bara fara á ball borga kr. 5.000. Húsið verður opnað kl. 19:15 en borðhald hefst kl. 20:00.
Gestir hafa matinn meðferðis og ef til vill drykki en hægt verður að kaupa drykki hjá veitingasölu körfuknattleiksdeildar Tindastóls á staðnum. Aldurstakmark á Króksblót er 18 ár.
Það er hljómsveitin Mannamót sem leikur fyrir dansi og þar í fararbroddi er Sigvaldi Gunnars. Hann mun einnig stýra fjöldasöng. Feykir náði í skottið á Sigvalda þar sem hann var að nærast ásamt hljómsveitarfélögum sínum fyrir ball í Aratungu um síðustu helgi og spurði hverjir væru með honum í Mannamótum. „Þetta eru Gunnar Sigfús, sonur Sísu og Bjössa á Varmalæk, og Fróði Snæbjörnsson Blönduósingur og barnfóstra. Svo er með okkur Valgeir Þorsteinsson á trommum en hann er úr Biskupstungunum og hefur gert sig gildandi í ballbransanum hér á Suðurlandi og reyndar um allt land,“ sagði Sigvaldi sem er sonur Gunna á Löngumýri og Laufeyjar..
Þetta eru menn sem kunna á stuðið. Allir á Króksblót!
- - - - -
Fréttin hefur verið uppfærð og verður endurbirt allt að 70 sinnum...
Fleiri fréttir
-
Mannauður er lykilfjárfesting sveitarfélaga | Álfhildur Leifsdóttir skrifar
feykir.is Skagafjörður, Aðsendar greinar 24.02.2025 kl. 09.56Mannauður er dýrmætasta auðlind hvers sveitarfélags. Í dreifðari byggðum, þar sem samfélög eru minni og nánari, verður þessi auðlind enn mikilvægari. Hver einstaklingur skiptir enn meira máli og fer með mörg hlutverk, ekki aðeins sem starfsmaður heldur einnig sem virkur þátttakandi í félagslífi, íþróttastarfi og öðrum samfélagsverkefnum.Meira -
Purusteik og tortillahjúpaðar kjúklingalundir | Feykir mælir með.....
feykir.is Skagafjörður, Í matinn er þetta helst, Lokað efni 24.02.2025 kl. 09.00Það er komið að því að bjóða upp á tvær uppskriftir sem hægt er að elda í air fryer tryllitækinu sem er komið á annað hvert heimili í dag. Farskólinn hefur verið iðinn við að bjóða upp á námskeið þar sem eldaðir eru gómsætir réttir en það er snillingurinn Ásta Búadóttir sem heldur utan um þau. Þessar uppskriftir eru samt sem áður upp úr þeirri góðu bók Eldað með air fryer og vonandi eru einhverjir sem hafa áhuga á að prufa.Meira -
Þróttarar úr Vogunum höfðu betur gegn Kormáki/Hvöt
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 23.02.2025 kl. 17.04Knattspyrnuliðin hér á Norðurlandi vestra eru komin á fullt í Lengjubikarnum. Þó var frí hjá liðum Tindastóls þessa helgina; stelpurnar eiga leik gegn Val um næstu helgi og leik strákanna sem átti að vera nú um helgina var frestað um viku. Húnvetningar voru aftur á móti í eldlínunni í gær og mættu liði Þróttar úr Vogum í Akraneshöllinni og máttu þola 0-3 tap.Meira -
Pastaréttur og kókóskjúklingur | Matgæðingur Feykis
feykir.is Skagafjörður, Í matinn er þetta helst, Lokað efni 23.02.2025 kl. 09.40Matgæðingur vikunnar í tbl. 43, 2024, var Sigfríður Inga Karlsdóttir, ljósmóðir á Akureyri, en hún er alin upp á Sauðárkróki og hefur enn sterkar tengingar við Krókinn, en faðir hennar, Karl Holm, og tvö systkini, Fanney Ísfold og Guðjón, búa þar.Meira -
Ritz-kex bollur og Taco-baka | Matgæðingur Feykis
feykir.is Skagafjörður, Í matinn er þetta helst, Lokað efni 22.02.2025 kl. 09.32Matgæðingur vikunnar í tbl. 42, 2024, var Ísabella Guðmundsdóttir, dóttir Ernu og Guðmundar í Eyrartúninu á Króknum. Ísabella býr í Kópavoginum en hún ásamt fjölskyldu þurftu að yfirgefa heimilið sitt í Grindavík þann 10. nóvember 2024. Ísabella er gift Jens Valgeiri og eiga þau saman Matthildi Móu og ekki má gleyma loðbarninu, hundinum Öglu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.