Vallarsvæðið á Króknum á floti eftir leysingar | Leiknum frestað
Eftir kuldatíð til langs tíma, þar sem hitamælar með plús tölum virtust flestir úreltir, þá skall á með tíu stiga hita og sunnanvindi í dag. Veðurstofan hafði í vikunni birt gula viðvörun fyrir Norðurland þar sem varað var við leysingum. Sú spá gekk eftir og breyttist snjórinn í vatnsflaum. Feykir kíkti í sveitina til að kanna aðstæður en þá brá svo við að snjórinn í Grænuklaufinni á Króknum rann allur út á íþróttasvæðið og útlit fyrir nokkuð tjón.
Áfram verður hlýtt í kvöld og í nótt og með kvöldinu fer að rigna þannig að hætt er við að enn bætist í vatnsrennslið. Á morgun er síðan spáð glampandi sól og ekki bætir það væntanlega úr skák.
Á Facebook-síðunni Skín við sólu smellti Ómar Bragi inn myndum nú síðdegis frá vallarsvæðinu á Sauðárkróki. Þar má sjá hvernig vatnið hefur streymt úr Grænuklaufinni út á gervigrasvöllinn og einnig niður á aðalvöllinn gamla þar sem hlaupabrautin er undir vatni. Göngustígar af efra svæðinu niður á það neðra líkjast frekar árfarvegi en stígum eins og sjá má á myndunum.
Fyrsti fótboltaleikur sumarsins í Bestu deild kvenna á að fara fram á morgun og Feykir spurði Donna þjálfara, sem sjálfur stóð í ströngu ásamt vallarstarfsmönnum í baráttunni við að reyna að hafa hemil á nátturuöflunum, hvort völlurinn yrði leikhæfur á morgun. „Hann er á floti að hluta til því miður og það er lækur niður klaufina eins og er. Ég stórefa að hann verði leikhæfur á morgun en vonum það,“ sagði Donni.
Í austanverðum Skagafirði var víða að safnast vatn meðfram vegum og yfir tún og ekki ólíklegt að bæti í frekar en hitt. Vegagerðin var nú seinni partinn farin að skoða ræsi þar sem vatn var farið að flæða upp á vegi. Það er því um að gera fyrir vegfarendur og bændur að hafa varann á sér.
UPPFÆRT kl. 20:20: Leik morgundagsins á milli Tindastóls og FH hefur nú verið frestað vegna vallaraðstæðna. Ekki hefur verið ákveðið hvenær leikurinn fer fram.
- - - - -
Myndirnar af vallarsvæðinu tók Ómar Bragi. Hægt er að skoða myndskeið af aðstæðum á Skín við sólu.
Aðrar myndir tók Óli Arnar.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.