Mikið um að vera í Sauðárkróksbakarí - Skólakrakkar stungu út smákökur og bökuðu
Það hefur mikið verið að gera í Sauðárkróksbakaríi undanfarnar vikur í aðdraganda jóla og mikið mætt á starfsfólkinu eins og gengur. Hvort það hafi verið til að létta undir með bökurum að bjóða yngstu nemendum Árskóla að taka þátt í jólakökugerðinni skal ósagt látið en að sögn Snorra Stefánssonar, yfirbakara og nýs eiganda Sauðárkróksbakarís tókust þessar heimsóknir stórkostlega vel.
Snorri segir að krakkarnir hafi verið mjög spenntir og ánægðir með að fá að koma í heimsókn og baka. Allir fengu boli gefins merkta Kornax og Sauðárkróksbakarí en Snorri fékk Kornax með sér í lið til að fjármagna bolina. Þá fengu allir djús og mjólk sem vildu og kaffi fyrir foreldrana sem komu.
„Hugmyndin varð til þegar ég og Karsten vorum að tala saman í vinnunni og þá spyr Karsten hvort ekki væri sniðugt að bjóða einum bekk í skólanum í heimsókn og gera eitthvað. Mér fannst hugmyndin góð og eftir smá vangaveltur og pælingar þá endaði það á að bjóða yngsta stiginu í Árskóla í heimsókn;“ segir Snorri um upphafið að þessum skemmtilegu heimsóknum. Nemendur 1.-4. bekkja mættu einu sinni hver bekkur og var boðið upp á ákveðna dagskrá þann daginn. „Það var sem sagt í boði að stinga út smákökur, alls konar í laginu og merktu krakkarnir það sem þeir gerðu. Svo var það bakað og fengu þau að taka það með sér heim, sem þau gerðu. Á meðan á bakstri stóð fengu krakkarnir aðeins að skoða bakaríið, og vinsælast var að láta loka sig inni í frystinum,“ segir hann og það má ímynda sér spenninginn sem hefur verið í hópnum í köldum klefanum.
Norska jólakakan á sínum stað
Eigendaskipti urðu á Bakaríinu í haustbyrjun en Snorri segir engar ítarlegar breytingar hafa átt sér stað við þá breytingu. „Höfum aðeins verið að leika okkur að prófa nokkra nýja hluti og sjá hvernig það leggst í landann. En það eru engin plön ennþá um einhverjar breytingar í stórum mæli. Það er fullt af hugmyndum að flæða en þær koma í ljós hægt og rólega. Og munum við svo gera okkar allra besta til að gera bæjarbúa ánægða eins og þá sem búa fyrir utan bæinn okkar fagra.“
Eins og áður hefur komið fram er mikið að gera fyrir jólin og segir Snorri að allir í bakaríinu hafi gert sitt besta til að undirbúa þau og passa upp á að allir fái sitt uppáhald. „Norska jólakakan okkar er á sínum stað og kemur sterk inn eins og alltaf og komin í bullandi sölu á Sauðárkróki og nágrenni, Akureyri og höfuðborgarsvæðinu. Mömmukossarnir vinsælu standa alltaf fyrir sínu sem og aðrar smákökur sem við gerum. Og svo erum við líka á fullu að gera laufabrauð, bæði venjuleg og rúgmjöls og vil ég meina að þetta líti bara vel út hjá okkur í ár eins og önnur ár á undan.“
Aðspurður hvort hann hafi eitthvað að segja við lesendur Feykis vill þakka öllum fyrir góðar viðtökur eftir eigendaskiptin sem áttu sér stað 1 september. „Það hefði heldur ekki verið hægt nema með góðu samstarfsfólki sem ég er svo heppinn að hafa. Og að lokum vil ég óska öllum gleðilegra jóla og farsældar á komandi ári!“
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.