100 nemendur brautskráðust frá FNV í dag
Fjölbrautaskóla Norðurlands vestra var slitið í 42. sinn við hátíðlega athöfn í íþróttahúsinu á Sauðárkróki í dag. Enn litar Covid-faraldurinn líf okkar en vegna sóttvarnareglna voru einungis nemendur og nokkrir starfsmenn skólans viðstaddir en athöfninni var streymt á netinu. Alls brautskráðust 100 nemendur frá skólanum.
Í frétt á vef FNV segir: „Í máli skólameistara, Ingileifar Oddsdóttur, kom m.a. fram að 2844 nemendur hafa brautskráðst frá skólanum frá upphafi skólahalds haustið 1979. Skólameistari fjallaði m.a. um áhrif COVID-19 á skólastarfið og þakkaði nemendum fyrir þrautseigjuna við þær aðstæður. Þá þakkaði hún fyrirtækjum, stofnunum og sveitarfélögum fyrir afar ánægjulegt samstarf. Loks greindi frá nýrri reglugerð um vinnustaðanám og þörf fyrir stækkun verknámshúss skólans í ljósi mikillar aðsóknar í verknámsdeildir skólans. Að lokum kvaddi hún starfsmenn sem láta af störfum og þakkaði þeim vel unnin störf, en þeir eru Árni Stefánsson íþóttakennari, Björn Björnsson tréiðnakennari, Gróa Guðmunda Haraldsdóttir heimavistarstjóri, Gísli Árnason rafiðnakennari og Adolf Berndsen skólanefndarmaður.
Kristján Bjarni Halldórsson flutti vetrarannál skólans þar sem stiklað var á stóru í starfsemi hans. Þar kom m.a. fram að á haustönn voru 559 nemendur við skólann. Á stúdentsbrautum voru 125 nemendur, í iðnnámi 148 nemendur, í sjúkraliðanámi 121 nemandi, og í hreinu fjarnámi 149 nemendur. Í kvikmynda- og nýsköpunarnámi voru 8 nemendur, á starfsbraut 13 nemendurog nemendur í almennu námi voru 6 talsins. Grunnskólanemendur sem stunduðu nám við skólann á haustönn voru 29 talsins. Nemendur í námsverum á Blönduósi, Hvammstanga og Hólmavík veru meðtaldir í þessum tölum. Á vorönn 2021 stunduðu 576 nemendur nám við skólann.
Við skólann störfuðu 65 starfsmenn í 53 stöðugildum á haustönn og 54 stöðugildun á vorönn.
Að loknum vetrarannál fór fram brautskráning og afhending viðurkenninga, sem var í höndum skólameistara. Alls brautskráðust 100 nemendur af eftirtöldum námsbrautum sem hér segir, en alls voru gefin út 109 prófskírteini:
Stúdentsprófsbrautir: 45
Húsasmíði: 28
Húsgagnasmíði: 1
Kvikmyndabraut: 3
Nýsköpunarbraut: 1
Rafvirkjun: 6
Sjúkraliðabraut: 16
Starfsbraut: 1
Vélvirkjun og vélstjórn: 8
Freydís Þóra Bergsdóttir og Arnar Freyr Guðmundsson fluttu ávarp fyrir hönd brautskráðra nemenda. Að lokum flutti skólameistari brautskráðum nemendum heilræði fyrir lífið, óskaði þeim velfarnaðar og sagði skólanum slitið.“
Það er að sjálfsögðu engin brautskráning án tónlistaratriða en að þessu sinni voru það Rannveig Sigrún Stefánsdóttir og Arnar Freyr Guðmundsson sem sáu um þá hlið mála, Rannveig söng og Arnar spilaði undir á hljómborð. Fyrst tóku þau lag eftir fyrrum nemenda skólans, Sigvalda Gunnarsson, og síðan tóku þau nýja útgáfu af Góða ferð og ekki ólíklegt að einhverjir hafi tárast á meðan á þeim flutningi stóð.
Yfirlit yfir þá nemendur sem hluta viðurkenningar má sjá á vef FNV >
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.