Víðismenn stálu stigi gegn lánlausum Stólum
Lið Tindastóls og Víðis í Garði mættust í 3. deildinni á Króknum í kvöld í leik sem átti að fara fram sl. föstudag en var frestað vegna hvassviðris. Leikurinn fór fram við fínar aðstæður í kvöld og var lengstum fjörugur. Heimamenn sýndu ágætan leik en voru hálfgerðir kettlingar upp við mark andstæðinganna en svo fór að lokum að liðin skiptu stigunum á milli sín. Lokatölur 2–2 og enn eitt svekkelsið fyrir lánlaust lið Tindastóls staðreynd.
Lið Tindastóls fór vel af stað og skapaði sér fjögur fimm fín tækifæri á fysta stundarfjórðungnum en afgreiðslurnar voru daprar og virtist sem menn væru að vanda sig um of við að hitta markið. Þá fengu Stólarnir heilan haug af hornspyrnum í fyrri hálfleik og það var á sömu bókina lagt þar; það vantaði áræðnina og kraftinn til að komast í boltann. Það var því gegn gangi leiksins sem Víðismenn komust yfir á 25. mínútu en eftir vandræði í vörn Stólanna renndi Ísak John Ævarsson boltanum í fjærhornið hjá Atla Degi í marki Tindastóls og virtist sem Atli hefði hreinlega ekki séð skotið fyrr en um seinann. Tindastólsmenn voru áfram sterkara liðið fram að hléi en leikmenn virtust á köflum pirraðir og voru kannski að reyna fullmikið af löngum úrslitaboltum fram völlinn. Staðan 0-1 í hálfleik.
Stólarnir spiluðu boltanum betur í síðari hálfleik og héldu betur í hann. Jöfnunarmarkið leit dagsins ljós á 62. mínútu þegar Pape skallaði frábæra hornspyrnu Konna í markið. Aðeins fimm mínútum síðar kom Raul Sanjuan Jorda heimamönnum yfir eftir frábær tilþrif. Víðismenn reyndu að færa sig framar á völlinn eftir þetta en þeir voru hreinlega slakir í leiknum og lítið gekk upp hjá þeim, spilið ómarkvisst og þeir sköpuðu lítið. Það var því enn og aftur gegn gangi leiksins sem þeir jöfnuðu metin eftir aukaspyrnu Aliu Djalo á 87. mínútu – ansi slysalegt mark og það var eins og engin tæki ábyrgð í vörninni. Stólarnir reyndu að sækja stigin þrjú á lokamínútunum en án árangurs þrátt fyrir að hafa skapað sér nokkra álitlega möguleika.
Eitt stig í pottinn döpur staðreynd og nú eru Stólarnir í fallsæti með sex stig eftir átta leiki. Liðið spilaði sem fyrr segir ágætlega í kvöld en það er eins og það ríki hálfgert andleysi í liðinu, menn kannski stressaðir og með lítið sjálfstraust eftir erfiða byrjun í deildinni, og kostnaðarsöm mistök eru of algeng. Nú þarf að snúa bökum saman, sýna að það sé gaman í fótbolta og skemmtilegast að vinna leiki. Áfram Tindastóll!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.