Tuðrusparkarar bætast í hópa norðanliðanna
Leikmannaglugginn er galopinn í fótboltanum og norðanliðin hafa verið að leitast eftir því að styrkja sig fyrir lokaátökin framundan. Tveir leikmenn hafa gengið til liðs við karlalið Tindastóls og sömuleiðis hafa tveir kappar bæst í hópinn hjá Kormáki/Hvöt. Áður hefur verið sagt frá viðbótinni sem Stólastúlkur fengu.
Það hefur verið óttalegt skrölt á liði Tindastóls í 3. deildinni og liðið er sem stendur í fallsæti. Það var því morgunljóst að það þurfti að leitast eftir því að styrkja hópinn. Nú í vikunni skrifaði Davíð Guðrúnarson undir hjá Stólunum en hann lék áður með liði KV í Vesturbænum og Kórdrengjum. Hann er er rúmlega þrítugur og á að baki 152 leiki í meistaraflokki en í þeim hefur hann skorað 20 mörk. Þá hefur Marko Zivkovic skipt úr Leikni Reykjavík til Stólanna en hann er fæddur 2002 og á að baki tvo leiki með meistaraflokki Leiknis. Marko er alinn upp á Blönduósi til 12 ára aldurs að sögn Hauks Skúlasonar þjálfara Tindastóls. Haukur segir Tindastólsmenn vera opna fyrir frekari liðsstyrk en á þessu augnabliki er ekkert ákveðið í þeim efnum.
Þá hafa kannski einhverjir áhugasamir um félagaskipti leikmanna rekið augun í að ein stúlka skipti í vikunni yfir í Tindastól úr liði Fjölnis í Grafarvoginum. Það er Ronja Guðrún Kristjánsdóttir. Hún er nú bara 15 ára gömul, bráðefnileg, en fjölskyldan er að færa sig norður.
Anton Freyr og Gylfi í Kormák/Hvöt
Lið Kormáks/Hvatar hefur fengið liðsstyrk í þeim Antoni Frey Jónssyni og Gylfa Tryggvasyni. Anton hóf sinn feril með liði Dalvíkur/Reynis en lék síðast í Mosfellsbænum með liði Álafoss. Gylfi er sömuleiðis fæddur 1995 en hann hefur allan sinn meistaraflokksferil spilað með liði Elliða í Árbænum. Einn leikmaður hefur yfirgefið Húnvetningana en Hjörtur Þór Magnússon hefur skipt yfir í lið Álafoss en hann hefur til langs tíma leikið með Kormáki/Hvöt en náði aðeins einum leik í sumar. Það er því augljóst að lið Kormáks/Hvatar ætlar sér ekkert annað en að tryggja sér langþráð sæti í 3. deildinni að ári.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.