„Trúin flytur fjöll“ segir Guðni Þór
Síðasta umferðin í Pepsi Max deild kvenna fer fram nú um helgina. Það er á brattann að sækja fyrir lið Tindastóls og sennilega bara allra bjartsýnustu menn og konur sem reikna fastlega með að liðið haldi sæti sínu í deildinni. En miði er möguleiki og Stólastúlkur þurfa fyrst og síðast að einbeita sér að því að sigra lið Stjörnunnar þegar liðin mætast á sunnudaginn. Feykir tók stöðuna með Guðna Þór Einarssyni í þjálfaragengi Stólanna og hann segir að leikurinn verði lagður upp svipað og gegn Selfossi um síðustu helgi.
„Við ætlum að fara hátt á völlinn og við þurfum að skora nokkur mörk og á sama tíma halda markinu okkar hreinu. Þótt við þurfum að treysta á hagkvæm úrslit á Akureyri ætlum við að einbeita okkur alfarið að okkur og klára okkar leik og sjá svo til hvaerju það skilar okkur í lokin.“
Hvernig er staðan á liðinu. Eru allir heilir og til í slaginn? „Frá síðasta leik hafa þær Lala og Nadin kvatt okkur en annars er staðan bara góð og við erum klár í verkefnið.
Einhver skilaboð til stuðningsmanna Tindastóls? „Trúin flytur fjöll hefur oft verið sagt og nú á það vel við. Við fengum frábæran stuðning frá ykkur á Selfossi og það skilaði okkur frábærum sigri, þið voruð eins og tólfti maður á vellinum. Á sunnudaginn þurfum við á öllum ykkar stuðningi að halda. Hvet alla til að mæta og hvetja stelpurnar áfram í síðasta leik sumarsins. Þetta er ekki búið fyrr en það er búið,“ segir Guðni að lokum.
Lið Tindastóls er næstneðst en eiga möguleika á að komast upp fyrir lið Keflavíkur í áttunda sæti. TIl þess þarf lið Tindastóls að vinna Stjörnuna og Þór/KA að vinna lið Keflavíkur. Það eitt og sér dugar ekki því það þarf að verða sex marka sveifla á markatölu liðanna til að lið Tindastóls eigi möguleika á að halda sér í efstu deild.
Leikurinn hefst kl. 14 og samkvæmt upplýsingum Feykis munu hamborgarasérfræðingar 3. flokks verða á staðnum og grilla gómsæta borgara ofan í glorsoltna stuðningsmenn.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.