Tólf sigrar og tvö töp uppskera sumarsins hjá Kormáki/Hvöt
Lið Kormáks/Hvatar spilaði síðasta leik sinn í riðlakeppni 4. deildar í gær en þá héldu Húnvetningar í Eyjafjörðinn þar sem þeir mættu Samherjum á Hrafnagilsvelli. Það var svo sem ekki mikið undir annað en heiðurinn því sæti Kormáks/Hvatar í úrslitakeppni 4. deildar var löngu tryggt. Það fór svo að stigin þrjú fóru með Húnvetningum heim en lokatölur voru 0-1.
Markalaust var í fyrri hálfleik en það var síðan á 51. mínútu sem stríðsmaðurinn síungi, Bjarki Már Árnason, gerði eina mark leiksins. Boltinn barst til hans á fjærstöng þar sem hann lúrði eins og hungraður úlfur og skóflaði boltanum af öryggi í markið eftir að varnarmaður Samherja komst fyrir skot frá Akil DeFreitas í kjölfarið á stuttri hornspyrnu.
Samkvæmt vef KSÍ er þetta mark númer 42 í 351 leik hjá þessum höfðingja – ekki slæm uppskera hjá varnarmanni. Lið Kormáks/Hvatar vann tólf leiki í sumar og tapaði tveimur undir stjórn Ingva Rafns þjálfara og enduðu riðlakeppnina því með 36 stig og markatöluna 41-14. Það dugði þó ekki til að ná toppsætinu því Vængir Júpiters gerði enn betur, vann þrettán leiki og tapaði einum – gegn Húnvetningum á Sauðárkróksvelli.
Sem liðið sem endaði í öðru sæti D-riðils þá mun lið Kormáks/Hvatar mæta liðinu sem hafnar í efsta sæti C-riðils þegar úrslitakeppnin hefst nk. föstudag. Að öllum líkindum verður það lið Álftaness sem verður mótherjinn en þeir spila síðasta leik sinn í dag á Ólafsvík og ættu að eiga sigurinn vísan og þar með taka efsta sæti riðilsins af liði Ýmis. Það má reikna með erfiðum slag gegn forsetaliðinu en Álftnesingar hafa rokkað upp og niður milli deilda síðustu árin.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.