Tindastólsstúlkur komu tómhentar úr TM-hellinum
Kvennalið Tindastóls í körfubolta spilaði fyrsta leik sinn í rúman mánuð þegar þær héldu suður í Breiðholt í gær þar sem lið ÍR beið þeirra í TM hellinum. Liði Tindastóls hefur gengið brösuglega gegn sterku ÍR liði síðustu misserin og það varð engin breyting á því gær og verður að viðurkennast að lið ÍR er skör hærra á körfuboltasviðinu. Staðan í hálfleik var 48-23 en heimastúlkur slökuðu aðeins á í síðari hálfleik og lokatölur urðu 81-54.
Lið ÍR gerði fyrstu körfu leiksins en Maddie jafnaði, 2-2, og var það í eina skiptið sem ÍR var ekki yfir í leiknum. Heimastúlkur voru yfir, 14-6, eftir fimm mínútna leik en síðari fimm mínútur leikhlutans gekk báðum liðum illa að skora og staðan að leikhlutanum loknum 18-9. Lið ÍR gerði út um leikinn með góðum öðrum leikhluta sem þær unnu 30-14 og munurinn í hálfleik því 25 stig.
Áfram bættu Breiðhyltingar í í þriðja leikhluta en staðan að honum loknum var 70-36. Mestur varð munurinn 40 stig í stöðunni 77-37 og þá setti þjálfari ÍR minni spákonur inn á og lið Tindastóls náði að klóra aðeins í bakkann, unnu leikhlutann að lokum 11-18.
Stólastúlkur töpuðu 20 boltum í leiknum en lið ÍR sex en á móti kemur að okkar stelpur tóku 55 fráköst gegn 41 frákasti ÍR-inga sem var vel gert. Þar fór Maddie Sutton mikinn og tók 28 fráköst eða ríflega helming frákasta liðsins. Hún skoraði síðan rétt tæplega helming stiga liðsins eða 26 en næst stigahæst var Anna Karen sem gerði sjö stig. Lið Tindastóls tók 66 skot í opnum leik og setti niður 18 en heimastúlkur settu niður 30 skot af 77. Illa gekk utan 3ja stiga línunnar þar sem Stólastúlkur settu niður tvö skot (sex stig) á meðan heimastúlkur í ÍR gerðu tíu (30 stig).
Það er auðvitað deginum ljósara að brotthvarf Ksenju, sem kvaddi lið Tindastóls í desember, skilur liðið eftir veikara og enn meiri þungi hvílir á Maddie í leik liðsins. Hún var með 39 framlagspunkta í gærkvöldi en restin af liðinu átta. Það er þó ekkert í boði að hengja haus heldur setja bringuna fram og bíta á jaxlinn. Það er jákvætt að það er stutt í næsta leik en lið KR mætir í Síkið á laugardag og hefst leikurinn kl. 18:00. Engir áhorfendur eru leyfðir en væntanlega verður leikurinn í beinni hjá snillunum í TindastóllTV.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.