Tindastólsstúlkur aleinar á toppnum
Kvennalið Tindastóls tók á móti liði Sindra frá Hornafirði í C-riðli 1. deildar í gærdag. Liðin voru fyrir leikinn efst og jöfn í riðlinum með 15 stig en Stólastúlkur áttu tvo leiki inni á hin liðin. Lið Sindra reyndist lítil fyrirstaða þegar á hólminn var komið og heimastúlkur unnu öruggan 6-0 sigur.
Leikurinn fór fram í ljúflingsveðri og fyrsta markið gerði Kolbrún Ósk Hjaltadóttir eftir góðan undirbúning Jesse Shugg. Það var svo með ólíkindum að Jesse fengi ekki vítaspyrnu skömmu fyrir hlé en hún varð þá fyrir meiðslum og var skipt út af rétt áður en flautað var til leikhlés en á meðan hugað var að meiðslum hennar átti Hrafnhildur Björnsdóttir skot í stöng úr aukaspyrnu og síðan skallaði Hugrún Pálsdóttir boltann í markið eftir hornspyrnu. Staðan 2-0 í hálfleik.
Kasey Wyer kom Stólastúlkum í 3-0 eftir hornspyrnu á 54. mínútu og tíu mínútum síðar bætti Vigdís Edda Friðriksdóttir við fjórða markinu, einnig í kjölfarið á hornspyrnu. Kolbrún bætti við öðru marki sínu eftir laglega sókn á 70. mínútu og það var síðan Guðrún Jenný Ágústsdóttir sem gerði sjötta og síðasta mark Tindastólsstúlkna á 83. mínútu.
Stólastúlkur eru í efsta sæti C-riðils með 18 stig eftir sjö leiki og eru með 23 mörk í plús. Þær eiga þrjá leiki eftir og aðeins lið Sindra og Hamranna sem geta jafnað lið Tindastóls að stigum en þá þurfa Stólastúlkur að tapa öllum leikjum sínum og það er ekki að fara að gerast. Þær eru einfaldlega bestar í riðlinum.
Næsti leikur Tindastóls er gegn Sindra á Hornafirði nú á sunnudaginn og á þriðjudag er síðasti heimaleikur Tindastóls í riðlinum.
Hér er slóð á helstu atriði leiksins af síðu stuðningsmannahóps Tindastóls >
Fleiri fréttir
-
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.