Tindastólssigur í fyrsta leik Kjarnafæðimótsins
Þau eru ekki löng fríin í fótboltanum nú um stundir. Lið Tindastóls féll sem kunnugt er niður í 4. deild í haust en það stoðar lítt að staulast um og sleikja sárin. Í fyrrakvöld spiluðu strákarnir fyrsta leik sinn á undirbúningstímabilinu fyrir næsta sumar. Þá mættu þeir liði KA 4 í Boganum á Akureyri í fyrstu umferð Kjarnafæðimótsins. Lokatölur voru 4-1 fyrir Tindastól.
Ánægjulegt var að sjá að Stólarnir mættu til leiks með ansi sterkan hóp. Addi Ólafs var búinn að pússa skotskóna og hann smellti í þrennu í Boganum. Kom Stólunum yfir á 30. mínútu en staðan var 1-0 í hálfleik. Hann bætti við mörkum á 52. og 81. mínútu áður en Jón Gísli Stefánsson bætti við fjórða markinu skömmu fyrir leikslok.
Fín úrslit þó það megi nú að sjálfsögðu gera ráð fyrir því að það séu langt frá því mestu kanónur KA-manna í KA 4. Á leikskýrslunni á vef KSÍ eru leikmenn KA ekki einu sinni nafngreindir en sjá má mörg falleg nöfn Tindastólsmegin. Þar kemur reyndar fram að Óskar Smári frá Brautarholti hafi skorað fjórða mark Tindastóls en þegar Feykir hafði samband við kappann þá kom hann af fjöllum; kannaðist ekki við að hafa spilað leikinn. Sem er rétt hjá honum. Og nokkrir leikmanna á skýrslu spiluðu leikinn hreint alls ekki.
Byrjunarlið Tindastóls var á þessa leið: Einar í markinu, Svend, Domi, Sverrir og Hólmar í vörninni. Konni, Siggi A, Siggi Stebba á miðjunni og frammi voru Addi, Emil og Jónas. Varamenn Jón Gísli, Johann Daði, Benedikt Þorvalds, Kristófer Ingva, Bragi Skula, Eysteinn og Anton. Sjö af þessum leikmönnum eru enn þá löglegir í 2. flokki.
Lið Tindastóls spilar í B-deild Kjarnafæðimótsins en þar leika auk Stólanna lið Hamranna, Samherja og KA 3 og KA 4.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.