Tindastólsmenn niðurlægðir í Hafnarfirði
Lið Tindastóls hefur dúllað í fallbaráttu 3. deildar í allt sumar, byrjaði mótið illa og þrátt fyrir að hafa á köflum sýnt ágæta leiki þá hefur liðið lekið mörkum á ögurstundu og tapað í leiðinni alltof mörgum stigum. Í gær héldu strákarnir suður í Hafnarfjörð þar sem ÍH tók á móti þeim. Liðin voru með jafnmörg stig fyrir leikinn, voru í tíunda og ellefta sæti deildarinnar, og það mátti því reikna með hörkuleik og hasar. 7-0 í hálfleik fyrir heimamenn var ekki eitthvað sem menn sáu fyrir sér. Lokatölur 8-0 fyrir ÍH og eitt versta tap í sögu Tindastóls döpur staðreynd
Tindastóll hafði unnið fyrri leik liðanna 4-0 og tólf marka sveifla í raun ekkert annað en fáránleg. Arnar Sigþórsson kom sínum mönnum yfir á fjórða mínútu en lið ÍH var níu mínútur að gera þrjú mörk og var bókstaflega búið að tryggja sér sigur eftir 13 mínútna leik. Eftir 14 mínútna markaþurrð fóru heimamenn aftur af stað og nú voru þeir bara átta mínútur að gera þrjú mörk. Staðan 6-0 eftir 35 mínútna leik! Andri Jónasson fullkomnaði þrennu sína með marki rétt fyrir hlé.
Stólarnir stoppuðu betur í götin í síðari hálfleik en Gunnar Óli Björgvinsson kórónaði sigur ÍH með því að skora áttunda mark þeirra á 49. mínútu. Tindastólsmenn unnu slaginn um gulu spjöldin, fengu að líta það sjö sinnum og Sverrir Hrafn þar af tvisvar. Hann fékk reisupassann á 90. mínútu en skömmu áður hafði hat-trick hetja heimamanna raunar farið sömu leið.
Þetta voru á allan hátt hörmuleg úrslit og ekki gott að sjá að Stólarnir nái að rísa úr þessari öskustó. Ekki það að nóg er af stigum í pottinum en það þarf eitthvað mikið að breytast hjá liðinu í síðustu fimm umferðunum svo næsta sumri verði ekki eytt í 4. deildinni.
Lið ÍH er nú með 17 stig og á sex leiki eftir en markatala liðsins (-4) stórbatnaði um leið og markatala Tindastóls, sem var nú bara -5 fyrir leikinn er nú -13. Markatalan gæti mögulega skipt sköpum í lokin. Stólarnir eru nú í næstneðsta sæti en Vopnfirðingar eru í neðsta sæti með 13 stig.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.