Tindastóll íslandsmeistari í 4. flokk kvenna í átta manna bolta
Stelpurnar í fjórða flokki Tindastóls kórónuðu glæsilegt tímabil þegar þær voru krýndar Íslandsmeistarar í 4. flokk kvenna í átta manna bolta eftir að þær unnu Þór á mánudaginn sl. með 2-5 sigri í leik sem fram fór á Akureyri.
Tindastólsstelpur unnu átta leiki, töpuðu einungis einum og enduðu með 24 stig á toppi deildarinnar, tveimur stigum meira en Fram í öðru sætinu sem var með 22 stig og þremur stigum meira en KA sem endaði í því þriðja. Markatala Stólastúlkna var sú langbesta í deildinni því þær skoruðu hvorki meira né minna en 54 í mörk níu leikjum og fengu á sig 14 mörk sem skilaði þeim 42 mörkum í plús. Til samanburðar var markatala Fram og KA 15 mörk í plús.
„Þetta er alveg einstakur hópur,“ segir Guðni Þór Einarsson í samtali við Feyki en hann er þjálfari stúlknanna.
„Það verður gaman að fylgjast með þeim í framtíðinni“
„Það hefur verið ótrúlega gaman að sjá þær vaxa í sumar bæði sem leikmenn og einstaklinga. Þessar stelpur hafa svakalega mikinn metnað og mæta alltaf á hverja æfingu til þess að læra og bæta sig enn frekar og það hugarfar mun svo skila þeim enn lengra í komandi framtíð“
Þetta er ekki eini titillinn sem stúlkurnar vinna í ár því þær unnu einnig 4. flokk kvenna í C-liðum á Rey Cup sem fram fór í sumar og hlutu einnig háttvísiverðlaun á því móti.
„Framtíðin er mjög björt og það verður virkilega gaman að fylgjast með þeim í framtíðinni. Bak við liðið er svo mjög öflugur hópur foreldra sem hefur verið duglegur að fylgja liðinu í allt sumar. Þeir eiga risastóran þátt í velgengni stelpnanna,“ sagði Guðni Þór að lokum.
/SMH
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.