Það er gott að vinna í Kópavogi
Níundi sigur sumarsins hjá Stólastúlkum kom í kvöld á Kópavogsvelli þegar lið Augnabliks féll í valinn gegn toppliði Tindastóls. Leikurinn var lengi vel í jafnvægi þrátt fyrir að lið gestanna fengi betri færi. Fjögur mörk komu hins vegar á síðustu 35 mínútunum og 0-4 sigur styrkti enn stöðu Stólanna á toppi Lengjudeildarinnar.
Lið Tindastóls var óheppið að komast ekki yfir á fyrsta stundarfjórðungi leiksins. Tvisvar endaði boltinn í stönginni en Mur, Jackie og Hugrún komust allar nálægt því að brjóta ísinn. Lið Augnabliks komst síðan betur inn í leikinn en stúlkurnar úr Kópavoginum geta spilað fínan fótbolta en oft vantar að setja endahnútinn á sóknir liðsins. Staðan 0-0 í hálfleik.
Mur fékk dauðafæri eftir fimm mínútur í síðari hálfleik en hitti boltann illa. Það kom ekki að sök þar sem sjö mínútum síðar skoraði Jackie úr víti eftir að markvörður heimastúlkna tók Rakel Sjöfn niður í teignum. Á 69. mínútu skoraði Mur loks eftir sendingu fyrir markið af vinstri kanti, setti boltann í hægra hornið. Sjö mínútum síðar gerði Hugrún Helgadóttir sjálfsmark, setti hausinn í boltann eftir aukaspyrnu frá Jackie og fleytti honum í markið. Skömmu síðar átti Mur skot í stöng en hún bætti loks við öðru marki sínu á 90. mínútu, óð í gegnum vörn heimastúlkna og plasseraði boltann í hægra hornið.
Lið Tindastóls er með 28 stig að ellefu umferðum loknum, hafa tapað einum leik, gert eitt jafntefli og unnið rest. Markatalan er 30-5! Þær hafa aðeins fengið á sig mark í þremur leikjum og tvö mörk í einum leik. Þetta segir meira en mörg orð um varnarleik liðsins sem hefur verið framúrskarandi í sumar. Frammi er síðan einn besti sóknarleikmaður landsins.
Þær stúlkur sem gengu til liðs við Tindastól í upphafi ágústmánaðar hafa styrkt lið og aukið breiddina og síðan er augljóst að Mur og Jackie eru komnar í toppform eftir meiðslaströggl framan af sumri. Báðar áttu þær frábæran leik í kvöld.
Þó staða Tindastóls sé vænleg er kálið ekki sopið þó í ausuna sé komið. Það eru sjö umferðir eftir, 21 stig í pottinum, og því getur enn allt gerst. Nú á sunnudaginn kl. 16 mæta Gróttustúlkur á Krókinn og ef þær ætla að koma sér betur fyrir í toppbaráttunni, eftir nokkur slæm úrslit að undanförnu, þá þurfa þær að sækja sigur. Á Króknum bíður eftir þeim lið með bullandi sjálfstraust sem dauðlangar í smá Pepsi Max. Áfram Tindastóll!
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.