Systkinabarátta á meistaramóti GSS
Meistaramóti Golfklúbbs Skagafjarðar lauk sl. laugardag með sigri Arnars Geirs og Önnu Karen Hjartarbörnum en leikið var frá miðvikudegi í nokkrum flokkum. Arnar og Anna eru ekki óvön að taka á móti bikurunum og meistaranafnbótinni því þau voru ríkjandi meistarar. Að sögn Kristjáns Bjarna Halldórssonar, formanns klúbbsins, tóku um 40 manns þátt í blíðu veðri sem var skemmtileg tilbreyting frá fyrri mótum.
„Við vorum afskaplega heppin með veðrið en við erum ekki óvön að hafa rok og rigningu, sunnan hvassviðri eða að norðan og allir að rigna niður í jörðina. En nú var blíðuveður og smá vindur og þetta gekk allt saman vel," segir Kristján Bjarni.
Þetta er í 9. sinn sem Arnar Geir landar klúbbmeistaratitlinum hjá GSS og nú í 8. skiptið í röð en í annað sinn sem Anna Karen ber nafnbótina. Það má með sanni segja að um nokkurs konar fjölskyldubaráttu hafi verið að ræða í mótinu því auk þeirra Arnars og Önnu stóð baráttan í næstu sætum í báðum flokkum milli systkina. Um annað sætið hjá körlunum börðust bræðurnir Atli Freyr og Hákon Ingi Rafnssynir, þar sem Atli hafði það á einu höggi og systurnar Hildur Heba og Telma Ösp Einarsdætur þurftu að taka þriggja holu umspil um hvor næði öðru sætinu sem á endanum kom í hlut Telmu.
Verðlaunaafhending fór fram á árshátíð klúbbsins um kvöldið sem Kristján Bjarni segir að hafi heppnast faramar vonum en meðal atriða tóku Geirmundur Valtýsson og Róbert Óttarsson nokkur lög, Kristinn Gísli Jónsson kokkaði eðalrétti og séra Hjálmar Jónsson var veislustjóri. „Danssveit Dósa héldu svo uppi heljarstuði og var svo á tímabili að allir veislugestir voru á dansgólfinu. Maður var pínu smeykur eftir kóvid hvort fólk þyrði að dansa, hvort um tapaða kunnáttu eða hæfni væri að ræða en það var nú heldur betur ekki. Mikið stuð og hátíðlegt og endaði á besta veg,“ segir Kristján Bjarni að lokum.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.