„Svona fer þetta stundum og við áttum að gera betur,“ segir Helgi Freyr. Stólar taka á móti Stjörnunni í kvöld
Síðustu sex leikir í Domino´s deild karla í körfubolta fara fram í kvöld áður en úrslitakeppnin sjálf hefst og kemur þá í ljós hvaða lið parast saman í þeirri keppni. Tindastóll tekur á móti Stjörnunni í Síkinu á Sauðárkróki í kvöld og geta úrslitin haft áhrif á hvaða lið Tindastóll fær sem andstæðing í úrslitakeppninni. Aðrir leikir kvöldsins eru: Höttur – Njarðvík, Keflavík – ÍR, Haukar – Valur, Grindavík - Þór Ak. og Þór Þ. – KR. allir leikirnir hefjast klukkan 19:15.
Feykir hafði samband við Helga Frey og spurði hann út í hinn mikla spennuleik Stólanna gegn Njarðvík sl. mánudagskvöld í Ljónagryfju þeirra Suðurnesjamanna.
„Ég veit ekki hvað skal segja. Þetta var skemmtilegur leikur að spila og örugglega áhorfendavænn. Við komum ekki klárir í leikinn og byrjum illa, sérstaklega varnarlega og þeir hittu svakalega vel í fyrsta leikhluta. Við náum svo að snúa þessu í öðrum leikhluta og stýrum leiknum frá því. Við erum svo yfir 7-9 stigum þegar skammt er eftir og gerum þá mistök bæði sóknarlega og varnarlega og á móti eru þeir að setja skot og með skotrétt,“ segir Helgi.
Hann nefnir að villunum hafi ekki verið dreift jafn í lok leiks þar sem aðeins var dæmd ein villa á Njarðvík allan fjórða hluta og fyrstu framlengingu á meðan Stólar fengu dæmdar níu villur á sig.
„Þetta skipti máli því við þurftum að berjast fyrir okkar stigum þegar þeir voru að skora á vitalinunni hinumegin. Svona fer þetta stundum og við áttum að gera betur, ekkert stórt en mörg smáatriði sem við klikkuðum á og skiluðu þessari niðurstöðu.“
Deildarmeistaratitillinn fer annað í ár og segir Helgi það auðvitað vera vonbrigði. „Við klúðruðum því alveg sjálfir en það er bara þannig, nú hefst úrslitakeppnin og það er ný keppni og við með heimavallarétt sem gefur okkur vonandi forskot í fyrstu umferðinni.“
Á Facebooksíðu Körfuboltadeildar Tindastóls segir að búast megi við hörkuleik eins og svo oft áður á milli þessara liða. Hamborgararnir verða á sínum stað og allir hvattir til að mæta og styðja hressilega við bakið á strákunum.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.