Svekkjandi tap eftir dramatískar lokamínútur í Síkinu
Tindastóll og Þór Þorlákshöfn mættust í háspennuleik í Síkinu síðastliðið fimmtudagskvöld. Bæði liðin voru með 14 stig fyrir umferðina og leikurinn því mikilvægur fyrir úrslitakeppnina. Stólarnir voru betri í fyrri hálfleik en Þórsarar komu til baka í þeim seinni í lokafjórðungnum skiptust liðin á um að hafa forystuna. Á æsipennandi lokakafla voru það gestirnir, með Vance Hall í óstöðvandi stuði, sem höfðu betur. Lokatölur 78-80.
Þar sem körfuboltapenni Feykis var víðsfjarri þegar leikurinn fór fram er ágætt að gefa Vísi.is orðið: „Leikurinn fór fjörlega af stað og leiddu heimamenn eftir fyrsta leikhluta 21 – 16. Jafnræði var með liðinum í öðrum leikhluta sem að endaði 17 – 16 fyrir heimamenn og því voru hálfleikstölur á Sauðárkróki 38 -32. Vance Hall, leikmaður Þórs fór mikinn og skoraði 17 stig í hálfleiknum en hjá heimamönnum voru þeir Darrell Flake og Jerome Hill með 10 stig hvor. Stólarnir voru sterkir í teignum í fyrri hálfleik þrátt fyrir nærveru Ragnars Nathanaelssonar og voru að vinna frákastabaráttuna 29 – 12 í hálfleik.“
Tindastólsmenn komu steinsofandi til leiks í síðari hálfleik. Liðin gerðu hvort sína körfuna í byrjun en síðan gerðu Þórsarar næstu 14 stig á rétt rúmum tveimur mínútum. Staðan skyndilega orðin 40-48 fyrir Þór.
„Heimamenn náðu þó að rétta úr kútnum en Þór vann leikhlutann 16 – 23 og leiddu leikinn 54 – 55 þegar að þriðja leikhluta lauk. Síðasti leikhlutinn var gríðarlega spennandi. Þegar að staðan var 75 – 75 og ein og hálf mínúta eftir skoraði Emil Karel Einarsson þriggja stiga körfu og kom gestunum yfir. Það virtist slá heimamenn út af laginu og gestirnir frá Þorlákshöfn voru sterkari í lokin og unnu leikhlutann 24 – 25 og þar að leiðandi leikinn sjálfann 78 – 80.“ Stuðningsmenn Stólanna eru þó enn að velta vöngum yfir skrefadómi á Pétur skömmu fyrir leikslok en þar var boltinn dæmdur af heimamönnum þegar margir vildu fá villu dæmda á Þórsara. Svona geta þessir háspennuleikir í körfunni oft sveiflast á einni dómgæslu í lok leikjanna – svona er sportið.
Í liði Tindastóls endaði Jerome Hill með 19 stig og 11 fráköst, Helgi Rafn átti góðan leik með 18 stig. Darrel Lewis skoraði aðeins 9 stig í leiknum og munar um minna. Vance Hall, leikmaður Þórs Þorlákshafnar fór gjörsamlega hamförum í þessum leik og endaði leikinn með 34 stig, 5 fráköst og 6 stoðsendingar en Emil Karel Einarsson var með 18 stig.
Tindastólsmenn tóku ríflega 20 fráköstum meira en Þórsarar í leiknum en gestirnir hittu aftur á móti talsvert betur, ekki síst utan 3ja stiga línunnar. Etir leikinn er Tindastóll í 7. sæti deildarinnar með 14 stig en Þór Þorlákshöfn hoppuðu upp í 4. sæti með 16 stig.
Stig Tindastóls: Jerome Hill 19, Helgi Viggós 18, Darrel Flake 14, Darrel Lewis 9, Ingvi Rafn 5, Viðar 5, Svavar 3, Helgi Margeirs 3 og Pétur 2.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.