Svekkjandi jafntefli á Sauðárkróki
Strákarnir í Tindastóli tóku á móti Sindra frá Höfn í Hornafirði í blíðskaparveðri á Sauðárkróki í dag. Stólarnir hafa verið í smá basli það sem af er sumri en fyrir leikinn sátu þeir í tíunda sæti þriðju deildarinnar með fjögur stig og Sindri í því áttunda með átta stig. Leikurinn fór 3:3 en bæði lið skoruðu sitthvort markið í uppbótartíma.
Fyrir leikinn fékk Arnar Ólafsson blómvönd en hann var að spila sinn 100. leik fyrir Tindastól. Arnar er fæddur árið 1998 og spilaði sinn fyrsta leik fyrir Stólanna árið 2014 þegar að þeir voru í 1. deild.
Sindramenn komust yfir á sjöundu mínútu þegar að Abdul Bangura skoraði. Hornfirðingar voru betri aðilinn í fyrri hálfleik en Atli Dagur stóð sig frábærlega í dag og varði nokkur dauðafæri Sindramanna glæsilega. Haukur Skúlason, þjálfari Tindastóls, hefur sagt eitthvað rétt við sína menn í hálfleik því að í byrjun seinni hálfleiks skoruðu Stólarnir tvö mörk með stuttu millibili. Fyrst á 48. mínútu þegar að Halldór Broddi átti fyrirgjöf á Pape sem reis manna hæst upp í teignum og skallaði boltann í netið, og síðan á 49. mínútu þegar að Konni átti góða stungusendingu inn á Raul sem renndi boltanum á Arnar sem skoraði auðveldlega.
Hornfirðingar jöfnuðu leikinn á 81. mínútu þegar að Robertas Freidgeimas skoraði úr aukaspyrnu rétt fyrir utan vítateigshorn Tindstóls. Það var þó mat heimamanna að aukaspyrnan hafi verið tekin á vitlausum stað. Seinustu mínútu leiksins voru heldur betur fjörugar en á 90. mínútu spólaði Arnar Ólafs sig í gegnum vörn Sindramanna og lagði boltann á Halldór Brodda sem skoraði og Tindastóll komnir yfir. Heimamenn voru þó ekki lengi í paradís því að á 94. mínútu skoraði Blönduósingurinn og fyrrverandi leikmaður Hvatar og Tindastóls, Kristinn Justiniano Snjólfsson, en hann slapp einn í gegn og kláraði færið listilega.
Tindastólsmenn voru afar svekktir þegar flautað var til leiksloka og virðist ekkert ætla að falla með þeim í sumar.
/SMH
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.