Stólastúlkur tryggðu sér í dag efsta sætið í C-riðli
Það var þunnskipaður hópur Tindastólsstúlkna sem spilaði á Höfn í Hornafirði í dag þegar þær sóttu lið Sindra heim. Lið Tindastóls var yfir í hálfleik en lokatölur urðu 3–3 og jafntefli því staðreynd eftir sex sigurleiki í röð. Stigið dugði þó til að tryggja stelpunum toppsætið í C-riðli 1. deildar og sætið í úrslitakeppninni því gulltryggt.
Elín Sveinsdóttir kom Stólastúlkum yfir á 6. mínútu en Ingibjörg Ragnarsdóttir jafnaði fyrir Sindra skömmu síðar. Leikmaður í liði heimastúlkna gerði síðan sjálfsmark rétt áður en flautað var til hálfleiks og staðan því 1-2. Vigdís Edda Freiðriksdóttir bætti stöðu Stólanna á 50. mínútu en Sindrastúlkur gáfust ekki upp og náðu að jafna áður en yfir lauk. Fyrst minnkaði Sydnie Telson muninn á 68. mínútu og loks gerði Ingibjörg annað mark sitt, og jöfnunarmark Sindra, með marki úr vítaspyrnu á 80. mínútu.
Aðeins 13 stúlkur voru á skýrslu hjá liði Tindastóls og þ.á.m. vantaði Jesse Shugg sem meiddist í síðasta leik. Stelpurnar spila hér heima á þriðjudagskvöld og lokaleikurinn í riðlinum verður síðan á fimmtudag þegar Stólastúlkur mæta liði Völsungs á Húsavík. Lið Tindastóls er og verður efst í sínum riðli en stelpurnar eru komnar með 19 stig og eiga tvo leiki eftir. Liðin í 2.-4. sæti eru öll með 16 stig og hafa lokið leik í riðlinum.
Úrslitakeppni 1. deildar kvenna hefst síðan 3. september en í henni taka átta lið þátt; þrjú efstu liðin úr A- og B-riðli fara áfram og tvö lið úr C-riðli sem Tindastólsstúlkur hafa sigrað. Þær munu mæta liðinu sem endar í þriðja sæti B-riðils heima og að heiman og mæta annað hvort liði Keflavíkur, Augnabliks eða Fjölnis sem berjast um þriðja sætið í B-riðli. Sigurvegararnir í átta liða úrslitum fara síðan í undanúrslit og sigurvegarar í undanúrslitum leika í úrvalsdeild kvenna að ári.
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.