Stólastúlkur börðust allt til loka en KR vann
Það var spilað í 1. deild kvenna í körfunni í gærkvöldi en þá fengu Stólastúlkur lið KR í heimsókn í Síkið. Vesturbæingar eru með eitt af betri liðum deildarinnar í vetur þó liðið virðist ekki ná að berjast um eitt af tveimur efstu sætum deildarinnar þar sem Stjarnan er í sérflokki og lið Snæfells og Þórs Akureyri berjast um annað sætið. Leikurinn í gær varð kannski aldrei verulega spennandi því gestirnir voru sterkari en heimastúlkur voru þó aldrei langt undan og veittu liði KR harða keppni. Lokatölur 64-72.
Lítið var skorað í fyrsta fjórðungi og varnarleikur beggja liða sterkur. Lið Tindastóls komst yfir, 10-7, en næstu átta stig voru gestanna en þær leiddur síðan, 12-15, að leikhlutanum loknum. Jayla og Emese höfðu þá gert allar körfur Tindastólsliðsins. KR náði heljartökum á leiknum á fyrstu fjórum mínútum annars leikhluta þegar Vesturbæingar náðu 2-18 kafla og staðan 14-33. Stólastúlkur gáfust ekkert upp og náðu fljótlega að minnka bilið í tólf stig, 23-35, og þegar 40 sekúndur voru til leikhlés gerði Eva Rún fyrstu „íslensku“ stig Stólastúlkna og minnkaði muninn í tíu stig. Staðan var 31-43 í hálfleik.
Inga Sólveig og Eva bættu við stigum í þriðja leikhluta og lið Tindastóls hélt sér inni í leiknum, munurinn yfirleitt um tíu stig en enn skildu tólf stig liðin að þegar fjórði leikhluti hófst. Jayla Johnson minnkaði bilið í tíu stig, 51-61, snemma í leikhlutanum með eina þristi Tindastóls í leiknum. Emese Vida bætti þremur stigum á töfluna skömmu síðar (karfa og víti) og KR þá aðeins með sjö stiga forystu. Stólastúlkur hefðu getað minnkað muninn frekar en allt kom fyrir ekki, gestirnir bjuggu einfaldlega yfir meiri breidd og unnu á endanum sanngjarnan sigur. Það var jákvætt að heimastúlkur höfðu betur í síðari hálfleik, 33-29, en annar leikhluti reyndist dýrkeyptur þannig að það dugði ekki til.
Aðeins fjórar stúlkur komust á blað í stigaskori hjá Tindastólsliðinu í gær á meðan níu KR-ingar skoruðu. Jayla var með 37 stig og átta fráköst, frákastamaskínan Emese náði „aðeins“ átta fráköstum í gær en gerði 17 stig. Eva Rún gerði fjögur stig en tók 14 fráköst, þrátt fyrir að búa ekki að mörgum sentimetrum, og þá gerði Inga Sólveg sex stig og tók sex fráköst. Violet Morrow gerði 27 stig fyrir KR og tók ellefu fráköst og Fanney Ragnarsdóttir gerði 14 stig og tók níu varnarfráköst.
Það háir Tindastólsliðinu að það er hreinlega engin skytta í liðinu. Jayla var sú eina sem reyndi meira en tvo skot utan 3ja stiga línunnar, tók tíu skot og setti eitt niður. Á meðan Stólastúlkur fengu þrjú stig á töfluna fyrir sín 3ja stiga skot fékk lið KR 27 stig utan línunnar. Það munar aðeins um það.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.