Stelpurnar með góðan sigur á liði Stjörnunnar í Síkinu
Lið Tindastóls og Stjörnunnar mættust í 1. deild kvenna í Síkinu í dag. Garðbæingar fóru illa með Stólastúlkur á sínum heimavelli fyrr í vetur en ófaranna var hefnt því lið Tindastóls átti ágætan leik og sigraði 83-66 eftir að hafa haft yfirhöndina nær allan leikinn.
Góð barátta og fínn varnarleikur skópu sigurinn og þá náðu stelpurnar sínu mesta stigaskori í vetur í þessum leik en oft hefur liðinu gengið illa að finna körfu andstæðinganna. Karen Lind gerði fyrstu sjö stig Stólanna en jafnræði var með liðunum fyrstu mínúturnar. Gestirnir komust yfir í eina skiptið í leiknum í stöðunni 8-10 um miðjan fyrsta leikhluta en sjö stig frá Evu Wium komu heimastúlkum yfir, 22-13, fyrir lok fyrsta leikhluta. Munurinn var yfirlett þetta sex til tólf stig í öðrum leikhluta en lið Stjörnunnar náði að klóra í bakkann fyrir hlé en þá stóð 36-31.
Marín Lind, sem átti flottan leik í dag, dró vagninn í upphafi þriðja leikhluta, gerði þá ellefu fyrstu stig Stólastúlkna sem náðu tíu stiga forystu á ný. Þær bættu enn um betur áður en leikhlutinn var úti en þá var staðan 55-41. Lið Stjörnunnar minnkaði muninn í tíu stig á ný en tveir þristar í röð frá Berglindi Skapta breyttu stöðunni í 61-45 og þá var nú mesti móðurinn úr liði gestanna um leið og mesti varnarmóðurinn þvarr hjá báðum liðum en fjórði leikhlutinn endaði 28-25 fyrir Stólastúlkur.
Eva Wium og Marín Lind voru atkvæðamestar í liði heimastúlkna. Eva var með 19 stig og tíu fráköst en Marín 26 stig og sex fráköst. Karen Lind skilaði 16 stigum og Inga Sólveig hirti 13 fráköst. Bergdís Lilja og Alexandra Eva voru bestar í liði Stjörnunnar. Lið Stólastúlkna hefur tekið framförum í vetur og er að spila töluvert skipulagðari bolta og boltinn gengur betur.
Samkvæmt vefsíðu KKÍ á lið Tindastóls eftir að spila þrjá leiki (!?) en eini heimaleikurinn sem eftir er verður spilaður 4. maí en þá kemur lið Ármanns í heimsókn.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.