Sigur og tap hjá liðum Tindastóls
Lið Tindastóls spiluðu sitt hvorn leikinn á Kjarnafæðismótinu í gær og var leikið á Akureyri. Stelpurnar mættu FHL, sameiginlegu liði Austfirðinga, og höfðu sigur en strákarnir lutu í gervigras gegn liði Völsungs.
Strákarnir hófu leik kl. 17 og það tók andstæðingana aðeins sjö mínútur að koma boltanm í markið en þá skoraði Gestur Sörensson. Aðeins þremur mínútum síðar jafnaði Eysteinn Bessi Sigmarsson metin en sigurmark leiksins kom á 33. mínútu en þar var á ferðinni Árni Fjalar Óskarsson. Ekkert mark var því skorað í síðari hálfleik en tveir leikmanna Völsungs fengu að líta rauða spjaldið, fyrst Óskar Ásgeirsson á 77. mínútu og síðan Jakob Gunnar Sigurðsson á 90. mínútu. Ekki tókst Stólunum að nýta sér liðsmuninn á þessum skamma tíma og 1-2 tap því staðreynd.
Stólarnir hafa nú spilað alla fjóra leiki sína í mótinu og hefja ekki leik í Lengjubikarnum fyrr en í byrjun mars. Þeir nældu í eitt stig í þessum fjórum leikjum.
Stelpurnar mættu Austfirðingum á Greifavellinum og þar leit eina mark leiksins ljós strax á 2. mínútu og það gerði Aldís María. Bæði lið tefldu fram ansi ungum mannskap og í raun aðeins þrír leikmenn á skýrslu sem fæddust á síðustu öld – semsagt 23 ára eða eldri. Yngst á vellinm var Elísa Bríet Björnsdóttir frá Skagaströnd en hún verður 15 ára á þessu ári. Bekkjarsystir hennar frá Skagaströnd, Birgitta Rún Finnbogadóttir, leysti hana síðan af á 86. mínútu.
Lið Tindastóls á eftir að spila einn leik á Kjarnafæðismótinu, gegn liði Völsungs, sem fram átti að fara 4. febrúar. Honum hefur hins vegar verið frestað þar sem lið Tindastóls á leik gegn Keflavík daginn eftir í Lengjubikarnum.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.