Sama stjórn hjá knattspyrnudeild Tindastóls en ekki tókst að manna barna- og unglingaráð
Á aðalfundi knattspyrnudeildar Tindastóls, sem fram fór í gærkvöldi, gáfu stjórnarmenn kost á sér til áframhaldandi setu í stjórn. Annað var uppi á teningnum hjá barna- og unglingaráði, sem starfað hefur með sjálfstæðan fjárhag í um tvö ár, þar sem ekki náðist að fullmanna stjórnina og flyst því rekstur þess til stjórnar deildarinnar.
„Það var vitað með einhverjum fyrirvara að núverandi stjórn gæfi ekki kost á sér í barna- og unglingaráði utan eins sem var var til í slaginn. Það voru ekki nema tveir aðrir sem buðu sig fram í stjórnina á aðalfundinum í gær, sem ekki er talið nóg. Það þyrftu að vera að lágmarki fimm og helst sjö manns,“ segir Sunna Björk Atladóttir, formaður knattspyrnudeildarinnar. Af þessum sökum var ákveðið að skila barna- og unglingastarfinu aftur inn til stjórnar deildarinnar. Hún segir að frestur hafi verið gefinn til 15. desember til að reyna að manna ráðið annars mun stjórn sjá um starfsemi ráðsins fram að næsta aðalfundi hið minnsta.
Það var seinnihluta árs 2018 sem barna- og unglingaráði var komið á laggirnar og ári síðar komið með sér kennitölu. Í kjölfarið var ráðið rekið með sér fjárhag líkt og lengi hafði verið stefnt að. Sunna segir það mjög mikilvægt að fólk átti sig á því að fjárhagur meistaraflokkanna og unglingaráðsins sé haldið aðskildu. Þetta reynist því vera bagaleg staða sem komin er upp í ráðinu og hvetur Sunna fólk til að bjóða fram krafta sína og hafa samband við hana, eða einhvern stjórnarmanna.
Þó tekist hafi að manna stjórn deildarinnar að þessu sinni telur Sunna að almennt sé erfitt að fá fólk til að starfa í stjórnum íþróttafélaga. Það rímar illa við yfirlýsingar Hagsmunasamtaka knattspyrnukvenna sem fyrir skömmu stóðu fyrir málstofu undir yfirskriftinni „Framtíðin er kvenna en við erum hins vegar föst í núinu!“ Málstofunni var ætlað að stuðla að fjölgun kvenna í stjórnum knattspyrnudeilda hér á landi. „Ég held að konur séu alveg tilbúnar að bjóða sig fram í stjórnir knattspyrnufélaga. Ég held líka að það sé kannski ekki leitað mikið til þeirra,“ sagði Inga Lára Jónsdóttir, önnur tveggja sem komu fram í þessu sambandi við Stöð 2. Hin var Rakel Logadóttir. „Þurfum að fá fleiri konur inn til þess að gæta hagsmuna ungra kvenna og stúlkna,“ sögðu þær í viðtalinu og því eru konur sérstaklega hvattar til þess að taka þátt í íþróttastarfi ungra iðkenda hjá Tindastól. Sunna segir að nú sé unnið að því að ráða framkvæmdastjóra sem myndi starfa bæði fyrir deild og unglingaráð.
Stjórn knattspyrnudeildar er þannig skipuð:
Formaður: Sunna Björk Atladóttir
Varaformaður: Hjörtur Elefsen
Gjaldkeri: Magnús Helgason
Meðstjórnandi: Magnús Jóhannsson
Meðstjórnandi: Guðni Kristjánsson
Meðstjórnandi: Guðný Axelsdóttir
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.