Rannveig Lilja Helgadóttir hlaut Samfélagsviðurkenningu Molduxa
23. jólamót Molduxa í körfubolta hófst í morgun. 18 lið eru skráð til keppni og verður leikið viðstöðulaust fram á seinniparts dags þegar úrslit liggja fyrir. Áður en mótið var sett var Samfélagsviðurkenning Molduxa veitt í annað sinn. Að þessu sinni var það Rannveig Lilja Helgadóttir sem hlaut þann heiður en hún hefur verið ötul í íþróttastarfi í Skagafirði og komið víða við. Meðal annars hefur Rannveig gegnt starfi formanns sunddeildar Tindastóls, gjaldkeri skíðadeildar Tindastóls í um tvo áratugi, var meðal annarra stofnandi fimleikadeildar innan Tindastóls, sem reyndar er ekki starfandi lengur.
Í frjálsíþróttadeildinni starfaði hún af einurð um tíma og var formanni þess deildar betri en enginn, Viggó Jónssyni eiginmanni sínum, og var á það minnst við athöfnina að hún væri kletturinn í lífi hans. Þá er ótalið það starf sem hún er búin að leggja í körfuknattleiksdeild Tindastóls en þar var hún öflugur starfskraftur til margra ára. Þess má geta að hún sér um búningamál meistaraflokks Tindastóls og þvær af þeim búningana og hefur gert lengi.
Þegar minnst er á körfubolta og Rannveigu kemur nafnið Helgi Rafn upp í hugann enda einn öflugasti körfuboltamaður sem Skagfirðingar hafa haft á fjölum íþróttahússins en fyrir þá sem ekki vita er Helgi Rafn sonur Rannveigar. Nafni hans og afi, Helgi Rafn Traustason fv. kaupfélagsstjóri, faðir Rannveigar er upphafsmaður körfuboltans á Sauðárkróki.
Á upphafssíðu fundargerðarbókar körfuknattleiksdeildar Tindatóls stendur:
“Körfuknattleikur á Sauðárkróki”
“Árið 1964, þegar Helgi Rafn Traustason flutti til Sauðárkróks, hófust æfingar í körfuknattleik á vegum UMF. Tindastóls. Undir handleiðslu Helga, sem áður lék með KFR, hóf lið Tindastóls keppni við önnur lið. Fyrsti leikur Tindastóls fór fram í leikfimisal Barnaskólans og var keppt við Hólaskóla.“ (Körfuknattleiksfélag Reykjavíkur, eða KFR, var innlimað í kkd. Vals árið 1970. Ekki má rugla því saman við KR sem er knattspyrnufélag. Það eru því liðin 52 ár síðan fyrst var farið að leika íþrótt íþróttanna hér í bæ.
Helgi Rafn Traustason lést 21. desember árið 1981, langt fyrir aldur fram, aðeins 44 ára gamall og eru því 35 ár síðan sá sorgaratburður gerðist.
Í lok athafnarinnar klöppuðu viðstaddir vel fyrir Rannveigu Lilju og ekki síst Helga Rafni Traustasyni sem á sinn þátt í þeirri körfuboltaveislu sem boðið er upp á í dag og í nánast hverri viku í Síkinu.
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.