Öruggur sigur gegn Samherjum
Tindastóll spilaði annan leik sinn í Kjarnafæðismótinu í knattspyrnu í gær þegar liðið sótti Samherja úr Eyjafirði heim á KA-völlinn. Líkt og í síðasta leik þá hafðist öruggur sigur en lokatölur urðu 5-1 og Stólarnir því í góðum málum í B-deild mótsins.
Lið Tindastóls í gær var skipað blöndu leikmanna sem spiluðu með liðum Tindastóls og Kormáks Hvatar í sumar en í Kjarnafæðismótinu þurfa menn ekki að vera skráðir leikmenn hjá liðinu sem þeir spila fyrir. Byrjunarlið Tindastóls var skipað Einari Ísfjörð markmanni, Svend og Domi bakverðir og Sverrir og Bjarki Már hafsentar, Konni, Sigurður Pétur og Jónas á miðjunni, Arnar og Jón Gísli á köntunum og Sigurður Bjarni frammi. Á bekknum hímdu framan af leik þeir Anton (m), Benedikt, Emil og Ísak.
Fyrsta mark leiksins gerði Jón Gísli Stefánsson á 21. mínútu og mínútu síðar bætti Addi við marki. Jón Gísli gerði annað mark sitt á 28. mínútu og staðan 3-0 í hálfleik. Eyfirðingar hleyptu smá spennu í leikinn á 72. mínútu þegar Ágúst Örn Víðisson minnkaði muninn en fjórum mínútum síðar jók Konni muninn í þrjú mörk á ný. Jónas Aron spreyjaði gullflögum yfir úrslitiin með marki á 81. mínútu og eru Tindastóll og Hamrarnir nú á toppi deildarinnar með fullt hús eftir tvo leiki. Liðin mætast einmitt í þriðju umferð og er áætlað að leikurinn fari fram 15. janúar.
Annar flokkur Tindastóls verður síðan á ferðinni á Akureyri í dag en þeir spila við KA klukkan tvö. Ekki hefur verið haldið úti 2. flokki hjá Tindastóli síðustu árin og því gleðiefni að sjá líf kvikna í þeim aldursflokki.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.