„Okkar framtíð er í okkar höndum“
Feykir hafði samband við Óskar Smára Haraldsson, annan þjálfara Stólastúlkna, eftir tapleik gegn meistaraliði Breiðabliks í Pepsi Max deildinni í gærkvöldi. Óskar Smári var sáttur við framlagið hjá liðinu. „ Það er ekki annað hægt [fyrir okkur þjálfarana] en að vera ánægðir með stelpurnar. Þær lögðu sig allar sem ein fram, hlupu eins og engin væri morgundagurinn og höfðu trú á verkefninu.“
Hver voru helstu mistökin sem lið Tindastóls gerði í leiknum?„Mistökin voru nú afar fá, fannst okkur, miðað við uppleggið. Auðvitað var hægt að koma í veg fyrir mörkin sem við fáum á okkur en við teljum þau vera frekar ódýr. Bara trackaniður, halda svæðum hefði mátt vera betra í fyrsta marki, annað markið er fast leikatriði, þriðja barningur i teignum þar sem Blikarnir voru aðeins frekari.“
Breytti það einhverju að skora svona snemma í leiknum?„Við teljum það ekki hafa breytt neinu að komast yfir snemma, eftir frábært mark frá Jackie, en við byrjuðum rosalega sterkt og hefðum viljað halda því aðeins lengur út.“
Var þessi leikur í kvöld svipaður fyrri leikjum Stólastúlkna gegn Blikum í byrjun sumars?„Þessi leikur var svipaður að því leytinu til að við vorum minna með boltann, sköpum færri færi en Blikar, en líkur að því leytinu til að okkur fannst við gefa þeim hörkuleik. Það má ekki gleymast í umræðunni að við erum að spila við núverandi Íslandsmeistara sem eru ágætar í því sem þær gera.
Eru nýju leikmennirnar, Lala og Nadín, að koma vel inn í liðið?„Já, við erum ánægðir með þá. Þær eru að komast í takt við það sem við erum að gera og við erum að kynnast þeim alltaf betur og betur. Lala er með ótrúleg gæði, reynslu og á eftir að nýtast okkur vel. Nadín er að aðlagast vel og hefur komið með mikinn kraft inn í okkar starf.“
„Nú tekur við hörkuleikur gegn Þór/KA,“ segir Óskar Smári. „Við teljum okkur vera betra lið og ætlum að ná í þrjú stig þar. Þrátt fyrir tap í kvöld þá horfum við björtum augum á framhaldið, enda ekki annað hægt þar sem við erum í þeirri stöðu að okkar framtíð er í okkar höndum.“
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.