Meistararnir með sýnikennslu í körfubolta í Síkinu
Blessaður Stofu-Stóllinn átti ekki von á góðu fyrir hönd sinna manna í Tindastóli fyrir leikinn gegn Íslandsmeisturum Þórs úr Þorlákshöfn sem fram fór í Síkinu í kvöld. Spáði nokkuð öruggu tapi. Aðrir voru kannski bjartsýnni þar sem liði Tindastóls hefur upp á síðkastið gengið ágætlega með Þórsarana. En ekki í kvöld. Á meðan meistararnir léku við hvurn sinn fingur var átakanlegt að horfa á lið Tindastóls sem missti móðinn strax í byrjun síðari hálfleiks og vont bara versnaði í framhaldinu. Lokatölur 66-109... ég endurtek ... nei, best að sleppa því.
Reyndar fékk leikurinn fljúgandi start því í byrjun voru Tindastólsmenn hreint frábærir, flestir boltar niður og hraðinn og áræðnin til fyrirmyndar. Verra var að Þórsarar voru bara alveg jafn frábærir og héldu svo bara áfram að vera það allt til leiksloka. Stólarnir entust í þrjár mínútur. Þeir komust í 12-8 en svo varð staðan 12-15 og stuttu síðar 14-23. Þá var tekið leikhlé og strákarnir komu sterkir til baka, minnkuðu í tvö stig, 21-23, en síðan háttuðu meistararnir Stólana, breiddu yfir þá sængina og buðu góða nótt.
Það er óþarfi að leiklýsa þessu sjónarspili sem gestirnir buðu upp á. Þeir voru hreint magnaðir. Boltinn gekk hratt á milli manna og alltaf endaði með því að þeir fengu opið skot og það var bara hreint ekki sanngjarnt að sjá hvað þeir hittu. Nýtingin utan 3ja stiga línunnar var bara djók; 19 niður í 38 tilraunum! Það var aldrei séns í kvöld.
Staðan að loknum fyrsta leikhluta var 22-31, í hálfleik var staðan 40-60 og að loknum þriðja leikhluta 54-79. Lið Þórs vann alla leikhluta af öryggi, minnst með átta stiga mun og mest 15. Glynn Watson var magnaður í liði Þórs; gerði 25 stig, hirti fimm fráköst og átti tólf stoðsendingar. Sjö leikmenn í liði Þórs gerðu tíu stig eða meira sem er sömuleiðis magnað.
Nú er auðvitað auðvelt að skjóta lið Tindastóls á bólakaf eftir svona frammistöðu og raunar líka leikinn gegn Keflavík í umferðinni á undan. Við megum ekki gleyma því að liðið hefur verið í einu af topp sætunum fjórum það sem af er tímabilinu og spilað vel á köflum. En við viljum bera okkur saman við bestu liðin og gegn Þór og Keflavík höfum við hreinlega ekki verið með samkeppnishæft lið.
Strákarnir fá tækifæri til að rétta hlut sinn áður en langt um líður því milli jóla og nýárs mæta þeir hinu Þórsliðinu á Akureyri. Þar þurfum við nauðsynlega sigur.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.