Markaveislur í Lengjudeild karla
Karlaliðin tvö af Norðurlandi vestra, Tindastóll og Kormákur Hvöt, sprettu úr spori í gær í Lengjubikarnum. Stólarnir náðu í sín fyrstu stig með fínum sigri gegn liði Kára frá Akranesi, 4-1, en Húnvetningar fengu skell gegn Úlfunum þar sem liðið laut í gras, 7-4, eftir að hafa verið yfir, 1-4, í hálfleik.
Lið Kormáks Hvatar var að spila annan leik sinn í C-deild Lengjubikarsins, höfðu í byrjun mánaðar gert 3-3 jafntefli við lið KB sem jafnaði í blálokin. Í gær skutust Húnvetningar úr startblokkinni og komust í 0-4 á Framvellinum. Ingvi Rafn fyrirliði, gerði þrennu en Viktor Ingi skaut inn einu marki. Úlfarnir minnkuðu muninn á annarri mínútu uppbótartíma í fyrri hálfleik. Á 17 míinútna kafla í síðari hálfleik gerðu heimamenn hins vegar sex mörk í ótrúlegri endurkomu.
Á Króknum tóku Tindastólsmenn á móti liði Kára. Andri Júlíusson kom gestunum yfir á 17. mínútu og það harðnaði á dalnum hjá heimamönnum þegar Addi Ólafs fékk að skoða rauða spjaldið hjá dómaranum fimm mínútum síðar. Fylkir Jóhannsson í liði Kára fékk síðan að skoða gula spjaldið tvívegis og var sömuleiðis sendur í sóttkví á 44. mínútu. Konni nýttu tímann fram að hléi vel og gerði tvö mörk, það seinna úr víti. Staðan 2-1 í hálfleik og jafn fáir í báðum liðum.
Í síðari hálfleik bætti Jónas Aron við þriðja marki Tindastóls á 52. mínútu og Hafþór Bjarki Guðmunds og Valgerðar Erlingssonur, kórónaði sigur Stóla á 60. mínútu. Tindastólsliðið hefur staðið sig ágætlega í Lengjubikarnum þó fyrstu stigin hafi ekki dottið í hús fyrr en nú. Einn leikur er eftir og hann er gegn liði ÍH næstkomandi laugardag og verður leikið í Skessunni.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.